Nókis Abu Ali Ibn Sino atındaǵı jámiyetlik salamatlıq texnikumınıń sport bazasında Ózbekstanda kásiplik awqamları háreketi baslanǵanınıń 120 jıllıǵı hám de 8-mart – «Xalıq aralıq hayal-qızlar kúni» bayramı múnásibeti menen joqarı hám orta arnawlı bilimlendiriw oqıw orınlarında islewshi hayal-qızlar arasında sporttıń shashka, darts hám voleybol túrleri boyınsha «Hayallar spartakiadası» ótkerildi.

Spartakiadaǵa joqarı hám orta arnawlı bilimlendiriw oqıw orınlarınan 7 komanda quramında 80 ge shamalas xızmetkerler qatnastı.

Jarıs juwmaǵında:

I-orındı Xojeli Abu Ali Ibn Sino atındaǵı jámiyetlik salamatlıq texnikumı;

II-orındı Qaraqalpaqstan medicina institutı;

III-orındı 2-sanlı Nókis Abu Ali Ibn Sino atındaǵı jámiyetlik salamatlıq texnikumı komandaları iyelewge eristi.

Sonıń menen qatar «Eń jası úlken qatnasıwshı», “Eń sheber háwesker qatnasıwshı”, “Jeńiske bolǵan umtılısı ushın”, “Eń jası kishi qatnasıwshı” nominaciyaları boyınshada jeńimpazlar anıqlandı.

Spartakiada juwmaǵında jeńimpazlar Ózbekstan densawlıqtı saqlaw xızmetkerleri kásiplik awqamınıń Qaraqalpaqstan Respublikası Keńesiniń tiyisli dárejedegi diplomları, medalları, kubokları hám de bahalı sawǵaları, sonday-aq nominaciyalar jeńimpazlarıda diplomlar hám de bahalı sawǵaları menen sıylıqlandı.