14-yanvar Watan qorǵawshıları kúni múnásibeti menen Ózbekstan mámleketlik mákemeleri hám jámiyetlik xızmeti xızmetkerleri kásiplik awqamı Qaraqalpaqstan Respublikası keńesi tárepinen Qaraqalpaqstan Respublikası Ishki isler ministrligi akademiyalıq liceyinde “Xalıq hám armiya – bir tán bir jan!” temasında “Máripat saatı” ótkerildi.

Ilajda Ózbekstan mámleketlik mákemeleri hám jámiyetlik xızmeti xızmetkerleri kásiplik awqamı Qaraqalpaqstan Respublikası keńesi baslıǵı R.Madreymov hám Ózbekstan hám Qaraqalpaqstan Respublikası Jazıwshılar awqamı aǵzası B.Bekmuratovlar qatnasıp, Qurallı Kúshlerdi reformalaw hám rawajlandırıwda erisilip atırǵan jetiskenliklerdi, Jańa Ózbekstandı qurıwda tınıshlıq hám paraxatshılıqtıń zárúrligi sonıń menen birge, Ózbekstan armiyasınıń kúsh-qudıreti, zamanagóy potencialleri haqqında sóz juritdi.