Orta buwın medicina xızmetkerleriniń kásiplik bilim hám mamanlıǵın asırıp barıwdı qollap-quwatlaw, óz jumıslarında jetiskenliklerge erisip kiyatırǵan miyirbiykelerdi materiallıq hám ruwxıy jaqtan xoshametlew, óz kásibiniń sheber iyeleri ortasında salamat báseki ortalıǵın qáliplestiriw maqsetinde 2024-jıldıń 25-aprel kúni “Hamshira-2024” kórik-tańlawınıń Qaraqalpaqstan Respublikası basqıshı ótkerildi.

Kórik-tańlaw juwmaǵı boyınsha “Hamshira-2024” Qaraqalpaqstan Respubliksı basqıshında 1-orındı Ámiwdárya rayonlıq medicina birlespesi miyirbiykesi X.Qazaqbaeva, 2-orında Xojeli rayonlıq medicina birlespesi miyirbiykesi A.Orınbaeva hám 3-orındı Moynaq rayonlıq medicina birlespesi miyirbiykesi A.Maxambetalievalar iyeledi.

Kórik-tańlaw jeńimpazları Qaraqalpaqstan Respubliksı densawlıqtı saqlaw ministrligi hám Ózbekstan densawlıqtı saqlaw xızmetkerleri kásiplik awqamınıń Qaraqalpaqstan Respublikası keńesiniń birgeliktegi tiyisli dárejedegi diplomları hám bahalı sawǵaları menen sıylıqlandı.