Aymaqlarda puqaralar hám olardıń shańaraq aǵzaların ǵalabalıq sport túrlerine qamtıw, olar arasında salamat turmıs tárizin úgit-násiyatlaw, túrli keselliklerden sport xám salamat turmıs tárizi tiykarları arqalı qorǵawına kómeklesiw sonday-aq, Ózbekstan Ministrler Kabinetiniń 2023-jıl 24-noyabr kúngi №06/1-525-sanlı “BMT Bas Assambleyasında jariyalanǵan 25-noyabr – Xalıqaralıq hayallarǵa qaratılǵan zorlıqtıń aldın alıw kúnine baǵıshlanǵan 25-noyabr sánesinen 10-dekabr aralıǵında “Zorlıqqa qarsı 16 kúnlik” atamasında tastıyıqlanǵan is ilajlar rejesindegi wazıypalardı orınlanıw maqsetinde Ózbekstan kásiplik awqamları Federaciyasınıń Qaraqalpaqstan Keńesi, Nókis qalalıq “Insan” sociallıq xızmetler orayı, Qaraqalpaqstan Respublikası Jaslar siyasatı hám sport ministrlikleri birgelikte “Atam, anam, hám men, salamat, baxıtlı shańaraq” súreni astındaǵı shańaraqlıq sport jarısları ótkerildi.

Nókis qalası 2-sanlı sport mektebi zalında Nókis qalasındaǵı sektorlar aymaǵındaǵı jasawshı shańaraqlar arasında kewilli startlar sport jarısları ótkerildi.

Qızǵın tartıs hám óz ara kelisimsiz gúresler astında ótken jarıs qatnasıwshılarınıń sportqa bolǵan qızıǵıwshılıǵın jáne de arttırıp, olardıń jeńiske bolǵan tilegin bekkemledi. Barlıq qatnasıwshılar jarısta jeńimpaz bolıw ushın juwapkershilik penen háreket etti.

Jarıs juwmaǵında jeńimpazlıqtı qolǵa kirgizgen komanda aǵzalarına Ózbekstan kásiplik awqamları Federaciyasınıń Qaraqalpaqstan Keńesi tárepinen tayarlanǵan bahalı sawǵaları tapsırıldı.