Taraw xızmetkerleri arasında salamat turmıs qálpin engiziw, olardı sportqa keńnen tartıw arqalı sporttıń ǵalabalıǵına erisiw maqsetinde 2023-jıldıń 2-noyabr kúni Nókis qalasında Qaraqalpaqstan Respublikası densawlıqtı saqlaw ministrligi menen birgelikte Nókis Abu Ali Ibn Sino atındaǵı jámiyetlik salamatlıq texnikumı sport bazasında densawlıqtı saqlaw xızmetkerleri arasında sporttıń kishi futbol túri boyınsha 11-noyabr “Kásiplik awqamları kúni” bayramı múnásibeti menen “Ózbekstan densawlıktı saqlaw xızmetkerleri kásiplik awqamınıń Qaraqalpaqstan Respublikası Keńesi kubogi” sport jarısı ótkerildi.

Sport jarısına taraw mákemelerinen 14 komanda quramında 100 den aslam xızmetkerler qatnastı.

Jarıs juwmaǵında:

Qaraqalpaqstan Respublikası densawlıqtı saqlaw ministrligi komandası I-orındı;

Respublikalıq qan quyıw stanciyası komandası II-orındı;

Respublikalıq qánigelestirilgen narkologiya ilimiy-ámeliy medicina orayı Qaraqalpaqstan filialı komandası III-orındı iyelewge eristi.

Sonıń menen qatar «Eń jaqsı dárwazaman», «Eń jaqsı hújimshi», «Eń jası úlken qatnasıwshı», «Eń jas qatnasıwshı», «Eń jaqsı oyınshı», «Eń jaqsı qorǵawshı» nominaciyaları boyınsha jeńimpazlarda anıqlandı.

Jarıs juwmaǵında jeńimpazlar, nominaciya jeńimpazları, jarısqa belsene qatnasqan komandalar “Ózbekstan densawlıktı saqlaw xızmetkerleri kásiplik awqamınıń Qaraqalpaqstan Respublikası Keńesi tárepinen tayarlanǵan  tiyisli dárejedegi kubok, medallar, diplomlar hám de bahalı sawǵalar menen sıylıqlandı.

Jarıstı shólkemlestiriwde jaqınnan járdem bergen mákemelerge “Ózbekstan densawlıktı saqlaw xızmetkerleri kásiplik awqamınıń Qaraqalpaqstan Respublikası Keńesi tárepinen tayarlanǵan bahalı sawǵalar tapsırıldı.