Húrmetli Prezidentimiz tárepinen 2020-jıl 23-noyabrde Ózbekstan Respublikasınıń WRQ-648-sanlı «Ózbekstan kásiplik awqamları kúnin belgilew haqqında»ǵı nızam qabıl etildi. Oǵan bola, 11-noyabr – «Kásiplik awqamları kúni» dep belgilendi. Bul jańalıq elimizdegi bes yarım milionnan artıq kásiplik awqamları aǵzaları tárepinen joqarı húrmet penen kútip alındı.

11-noyabr – “Kásiplik auqamları kúni”n belgilew sheńberinde Ózbekstan mámleketlik mekemeleri hám jámiyetlik xızmeti xızmetkerleri kásiplik awqamı Qaraqalpaqstan Keńesi tárepinen “Jańa Ózbekstanda el áziz, insan áziz” degen ideya astında usı jıldıń 7-8 noyabr kúnleri Moynaq rayonında jaylasqan «Aq keme» balalar dem alıw orayında rayonlıq, birlesken hám baslanǵısh shólkemi baslıqları ushın gezektegi Atqarıw komitet májlisi, sport jarısları, Moynaq rayonına sayaxatlar shólkemlestirilip barlıq qatnasıwshılarǵa bayram sawǵaları tapsırılıp kásiplik awqamları belsendileri qatnasıwında mádeniy-aǵartıwshılıq ilaj bolıp ótti.

7-Noyabr kúni Jasıl mákan ulıwma axalıqlıq akciyası sheńberinde qatnasıwshılar «Aq keme» balalar dem alıw hám sawalandırıw orayına 148 miyweli hám 210 dekorativ naller egildi.

Ilajda Ózbekstan mámleketlik mekemeleri hám jámiyetlik xızmeti xızmetkerleri kásiplik awqamı Qaraqalpaqstan Keńesi baslıǵı R.Madeymov ilaj qatnasıwshıların Kásiplik auqamları kúni bayramı menen qutlıqladı.