Ózbekstan kásiplik awqamları Federaciyasınıń Qaraqalpaqstan Keńesiniń 2023-jıl 04-sentyabr kúngi «2023-jılǵı paxta jıyın-terimi máwsiminde terimshiler ushın qolaylı shárt-shárayatlar jaratıp beriw, máwsim dawamında balalar miyneti hám májbúriy miynetke jol qoymaw boyınsha kásiplik awqamlarınıń jámáátshilik qadaǵalawın shólkemlestiriw haqqında»ǵı 13-23 «s» sanlı qararınıń is-ilajlar jobasına muwapıq 2023-jıl 13-sentyabr kúni Ózbekstan kásiplik awqamları Federaciyasınıń Qaraqalpaqstan Keńesiniń májilisler zalında Agrosanaat kompleksi xızmetkerleri kásiplik awqamı qala hám rayonlıq keńesleri baslıqları, kásiplik awqam belsendileri, sonday-aq Ózbekstan sawda-sanaat palatası Qaraqalpaqstan Respublikası basqarması, kommerciyalıq hám komerciyalıq emes shólkemleri wákilleri qatnasıwında «Paxta hasılın jıynap-terip alıwda terimshilerdiń sociallıq-ekonomikalıq hám huqıqıy máplerin qorǵaw hámde olarǵa múnásip miynet shárayatların jaratıw, máwsim dawamında balalar miyneti hám májbúriy miynettiń aldın alıw boyınsha kásiplik awqamlarınıń tiykarǵı wazıypaları temasında seminar ótkerildi.

Seminarda Ózbekstan Agrosanaat kompleksi xızmetkerleri kásiplik awqamı Respublikalıq keńesiniń Qaraqalpaqstan Respublikası boyınsha juwaplı shólkemlestiriwshisi E.Seytnazarov, Ózbekstan kásiplik awqamları Federaciyası Qaraqalpaqstan Keńesiniń miynet-texnik inspektorı B.Utepbergenov, Ózbekstan kásiplik awqamları Federaciyası Qaraqalpaqstan Keńesiniń miynetkeshlerdiń social-ekonomikalıq máplerin qorǵaw bólim meńgeriwshisi P.Toremuratovlar qatnasıp, 2023-jılǵı paxta jıyın-terimi máwsiminde terimshiler ushın qolaylı shárt-shárayatlar jaratılıwı, sonday-aq máwsim dawamında balalar miyneti hám májbúriy miynetke jol qoymaw boyınsha kásiplik awqamlarınıń jámáátshilik qadaǵalawın alıp barılıwın shólkemlestiriw boyınsha túsinik jumısları alıp barıldı hámde aldaǵı waqıtta ámelge asırılıwı zárúr bolǵan jumıslar boyınsha wazıypalar belgilenip, tiyisli tapsırmalar berildi.