2023-jıl 5-aprel kúni Nókis qalası 1-sanlı sport mektebinde “Bes baslama olimpiadası” sheńberinde bilim beriw mákemeleri oqıtıwshıları arasında “Salamat denede – sapalı bilim” súreni astında “Kásiplik awqamı kubogi” sport jarıslarınıń Qaraqalpaqstan Respublikası basqıshı ótkerildi.

Ózbekstan kásiplik awqamları Federaciyasınıń Qaraqalpaqstan Keńesi, Qaraqalpaqstan Respublikası xalıq bilimlendiriw ministrligi, Qaraqalpaqstan Respublikası Jaslar siyasatı hám sport ministrligi hámde Qaraqalpaqstan teleradiokompaniyası tárepinen tastıyıqlanǵan qospa qararǵa tiykar “Salamat denede – sapalı bilim” súreni astında “Kásiplik awqamı kubogi” sport jarıslarınıń Qaraqalpaqstan Respublikası basqıshı Nókis qalası 1-sanlı sport mektebi, Jeńil atletika hám oyın túrleri boyınsha qánigelestirilgen sport mektebi, Olimpiya hám paralimpiya sport túrlerine tayarlaw orayı hámde Nókis qalası 1-sanlı sport mekteplerinde bolıp ótti.

Ilajda Ózbekstan kásiplik awqamları Federaciyasınıń Qaraqalpaqstan Keńesi baslıǵı, Senator U.Jalmenov, Qaraqalpaqstan Respublikası xalıq bilimlendiriw ministri A.Narımbetov, Qaraqalpaqstan Respublikası Jaslar siyasatı hám sport ministri A.Allanazarov hámde Ózbekstan kásiplik awqamları Federaciyasınıń Qaraqalpaqstan Keńesi baslıǵınıń orınbasarı M.Daniyarov, tarawlıq kásiplik awqamları Qaraqalpaqstan Respublikası Keńesi baslıqları, juwaplı shólkemlestiriwshileri hámde tiyisli ministrlikler wákilleri qatnastı. Jarısta sporttıń mini-futbol, shaxmat, shashka, stol tennisi hám voleybol túrleri boyınsha oqıtıwshı hám ustazlar óz ara kúsh sınastı. Bul jarıslardıń ótken basqıshlarında 16 mıń 559 dan artıq bilim beriw mákemeleriniń xızmetkerleri qatnastı.

Kún dawamında sport jarısları qızǵın ótip hám tájiriybeli tóreshiler tárepinen jeńimpazlar hám komandalıq esapta utıp shıqqan jeńimpazlardı anıqladı.

Bunda:

Sporttıń STOL TENNISI túri boyınsha Hayallar arasında 3-orındı Ámiwdárya rayonı Babajanova Etibor Yunusovna, 2-orındı Shomanay rayonı Tilemisova Ayzada Sultamuratovna, 1-orındı Taqıyatas rayonı Xudaybergenova Yulduz Gaypnazar qizi hámde Erler arasında bolsa 3-orındı Qońırat rayonı Jumamuratov Rustem Djalgasbaevich, 2-orındı Shımbay rayonı Bekturganov Berdimurat Jumabekovich, 1-orındı Ellikqala rayonı Kurbanov Ixtiyor Ataxanovichler iyeledi.

Gezektegi ShAXMAT túri boyınsha Hayallar arasında 3-orındı Qońirat rayonı Xojalieva Bayan Jaksilikovna, 2-orındı Ámiwdárya rayonı Urazmetova Dilbar Yusuf qizi, 1-orındı Shımbay rayonı Bekmuratova Gulsauir Djalgasbaevna, Erler arasında bolsa 3-orındı Taqıyatas rayonı Kaypanov Rustem Perdebay ulı, 2-orındı Kegeyli rayonı Ayimbetov Ilxam Jumambetovich, 1-orındı Nókis qalası Seytnazarov Polat Tursinbaevichler iyeledi.

Sporttıń ShAShKA túri boyınsha Hayallar arasında 3-orındı Nókis qalası Tolepova Sapargul Daribaevna, 2-orındı Kegeyli rayonı Koshpanova Ilmira Yakipbaevna, 1-orındı Xojeli rayonı Saparova Gulchexra Yuldashevna, Erler arasında bolsa 3-orındı Beruniy rayonı Xudanov Yangibay Karimovich, 2-orındı Shımbay rayonı Reymov Ajiniyaz Kenesbaevich, 1-orındı Qaraózek rayonı Tajimuratov Dauletali Xamidullaevichler iyeledi.

VOLEYBOL túri boyınsha 3-orındı Qaraózek rayonlıq komandası, 2-orındı Beruniy rayonlıq komandası, 1-orındı Taxtakópir rayonlıq komandaları, sonıń menen birge, sporttıń MINI-FUTBOL túri boyınsha 3-orındı Tórtkúl rayonlıq komandası, 2-orındı Nókis qalalıq komandası, 1-orındı Xojeli rayonlıq komandaları jeńimpaz dep tabıldı.

“Salamat denede – sapalı bilim” súreni astında “Kásiplik awqamı kubogi” sport jarıslarınıń Qaraqalpaqstan Respublikası basqıshında komandalıq esapta 3-orındı Shımbay rayonı, 2-orındı Kegeyli rayonı, 1-orındı Qońırat rayonıları jeńimpaz dep tabıldı.

Ulıwma komandalıq esapta jeńimpaz bolǵan Qońırat rayonılıq komandasına “Kásiplik awqamı kubogi” hámde 30 million sum pul sıylıǵı tapsırıldı.

Sonday-aq, Ózbekstan kásiplik awqamları Federaciyası tárepinen túrli nominaciyalar boyınsha sonıń menen birge, jeńimpaz komandalarǵa diplom hámde Qaraqalpaqstan Respublikası Jaslar siyasatı hám sport ministrliginiń sawǵaları tapsırıldı.