2023 йил 5-апрель куни Нукус шаҳри 1-сонли спорт мактабида “Беш ташаббус олимпиадаси” доирасида таълим муассасалари ўқитувчилари ўртасида “Соғлом танда – сифатли таълим” шиори остида “Касаба уюшмаси кубоги” спорт мусобақаларнинг Қорақалпоғистон Республикаси босқичи ўтказилди.

Ўзбекистон касаба уюшмалари Федерациясининг Қорақалпоғистон Кенгаши, Қорақалпоғистон Республикаси халқ таълим вазирлиги, Қорақалпоғистон Республикаси Ёшлар сиёсати ва спорт вазирлиги ҳамда Қорақалпоғистон телерадиокомпанияси томонидан тасдиқланган қўшма қарор асосида “Соғлом танда – сифатли таълим” шиори остида “Касаба уюшмаси кубоги” спорт мусобақаларнинг Қорақалпоғистон Республикаси босқичи Нукус шаҳри 1-сонли спорт мактаби, Енгил атлетика ва ўйин турлари бўйича ихтисослаштирилган спорт мактаби ҳамда Олимпия ва паралимпия спорт турларига таёрлаш маркази ҳамда Нукус шаҳри 2-сонли спорт мактабларида бўлиб ўтди.

Мусобақада Ўзбекистон касаба уюшмалари Федерациясичнинг Қорақалпоғистон Кенгаши раиси, Сенатор У.Жалменов, Қорақалпоғистон Республикаси халқ таълим вазири А.Нарымбетов, Қорақалпоғистон Республикаси Ёшлар сиёсати ва спорт вазири А.Алланазаров ҳамда Ўзбекистон касаба уюшмалари Федерациясичнинг Қорақалпоғистон Кенгаши раиси ўринбосари М.Данияров, тармоқ касаба уюшмалари Қорақалпоғистон Республикаси Кенгаши раислари, маъсул ташкилотчилар ҳамда тегишли ташкилотлар вакиллари иштирок этди ҳамда мусобақа иштирокчиларига мувоффақиятлар тилади. Мусобақада спортнинг мини-футбол, шахмат, шашка, стол тенниси ва волейбол турлари бўйича ўқитувчи ва мураббийлар ўзаро куч синашди. Мазкур мусобақанинг қуйи босқичларида 16 минг 559 нафардан ортиқ таълим муассасаларининг ходимлари иштирок этди.

Кун давомида спорт мусобақалари қизғин давом этиб тажрибали ҳакамлар ҳайъати томонидан ғолиб жамоалар аниқланди.

Бунда:

Спортнинг СТОЛ ТЕННИСИ тури бўйича Аёллар ўртасида 3-ўринни Амударё тумани Бабажанова Эътибор Юнусовна, 2-ўринни Шўманай тумани Тилемисова Айзада Султамуратовна, 1-ўринни Тахиатош тумани Худайбергенова Юлдуз Гайпназар қизи ҳамда Эркаклар ўртасида 3-ўринни Қўнғирот тумани Жумамуратов Рустем Джалгасбаевич, 2-ўринни Чимбой тумани Бектурганов Бердимурат Жумабекович, 1-ўринни Элликқалъа тумани Курбанов Ихтиёр Атахановичлар эгаллади.

Навбатдаги ШАХМАТ тури бўйича Аёллар ўртасида 3-ўринни Қўнғирот тумани Хожалиева Баян Жаксиликовна, 2-ўринни Амударё тумани Уразметова Дилбар Юсуф қизи, 1-ўринни Чимбой тумани Бекмуратова Гулсауир Джалгасбаевна, Эркаклар ўртасида 3-ўринни Тахиатош тумани Кайпанов Рустем Пердебай улы, 2-ўринни Кегейли тумани Айимбетов Илхам Жумамбетович, 1-ўринни Нукус шаҳри Сейтназаров Полат Турсинбаевичлар эгаллади.

Спортнинг ШАШКА тури бўйича Аёллар ўртасида 3-ўринни Нукус шаҳри Толепова Сапаргул Дарибаевна, 2-ўринни Кегейли тумани Кошпанова Илмира Якипбаевна, 1-ўринни Хўжайли тумани Сапарова Гулчехра Юлдашевна, Ерлер ўртасида 3-ўринни Беруний тумани Худанов Янгибай Каримович, 2-ўринни Чимбой тумани Реймов Ажинияз Кенесбаевич, 1-ўринни Қораўзак тумани Тажимуратов Даулетали Хамидуллаевичлар эгаллади.

Спортнинг ВОЛЕЙБОЛ тури бўйича 3-ўринни Қораўзак тумани жамоаси, 2-ўринни Беруний тумани жамоаси, 1-ўринни Тахтакўпир тумани жамоалари, шу билан бирга, Спортнинг МИНИ-ФУТБОЛ тури бўйича 3-ўринни Тўрткўл тумани жамоаси, 2-ўринни Нукус шаҳар жамоаси, 1-ўринни Хўжайли тумани жамоалари ғолиб деб топилди

“Соғлом танда – сифатли таълим” шиори остида “Касаба уюшмаси кубоги” спорт мусобақаларнинг Қорақалпоғистон Республикаси босқичида жамоавий ҳисобда Қўнғирот тумани ғолиб деб аниқланди.

Жамоавий ҳисобда ғолиб бўлган Қўнғирот тумани жамоасига “Касаба уюшмаси кубоги” ҳамда 30 миллион сўм пул мукофоти топширилди.

Шунингдек, Ўзбекистон касаба уюшмалари Федерацияси томонидан турли номинациялар бўйича ҳамда ғолиб жамоага диплом ҳамда Қорақалпоғистон Республикаси Ёшлар сиёсати ва спорт вазирлигининг қимматбаҳо совғалари ҳам топширилди.