Usı jıldıń 27-dekabr kúni Berdaq atındaǵı Qaraqalpaq mámleketlik akademiyalıq muzıkalı teatrında “Xoshamet – 2022ˮ sıylıǵınıń saltanatlı tapsırıw máresimi bolıp ótti.

Sıylıqlaw máresiminde Qaraqalpaqstan Respublikası Joqarǵı Keńesiniń baslıǵı A. Orınbaev, ministrlik hám shólkem basshıları qatnastı. Máresimde, talabanlar óz xızmet wazıypasın orınlawda pidayılıq kórsetip, joqarı nátiyjelerge erisip hám jámiyette ayrıqsha húrmetke iye, Ózbekstan Jaslar isleri agentliginiń maqset hám wazıypaların ámelge asırıwda belsendilik kórsetkenler sıylıqlandı.

Ózbekstan kásiplik awqamları Federaciyasınıń Qaraqalpaqstan keńesi baslıǵı, senator Ulıkbek Abılaevich Jalmenov “Xoshamet 2022” sıylıǵınıń “Jıldıń eń belsendi jaslar ustazı” nominaciyası boyınsha xoshametlendi.

Sonday-aq Mámleketlik  hám jámiyet xızmeti xızmetkerleri kásiplik awkamı Qaraqalpaqstan keńesi shólkemlestiriw jumısları bólimi mengeriwshisi Atamuratova Muslima Koptilewovna – “Kamalakˮ balalar shólkemi pidayısıˮ nominaciyası menen xoshametlendi.