Qaraqalpaqstan Respublikası Ayrıqsha jaǵdaylar basqarması quramında arnawlı wazıypalardı orınlaw aymaqlıq qutqarıw otryadı hám rayonlardaǵı kásbiylestirilgen órt qutqarıw bólekshelerinde islewshi qutqarıwshılar arasında sporttıń mini futbol túri boyınsha usı jıldıń 3-noyabr kúni 11-noyabr “Ózbekstan kásipliplik awqamları kúni”ne baǵıshlanǵan Qaraqalpaqstan Respublikası Ayrıqsha jaǵdaylar basqarması baslıǵınıń kóshpe kubogi jarısı ótkerildi.

Jarısta komandalar arasında jaqsı nátiyjelergen erisken Moynaq rayonı Ayrıqsha jaǵdaylar bóliminiń 15-sanlı Kásbiylestirilgen órt qutqarıw bólekshesi 1-orın, Arnawlı wazıypalardı orınlaw aymaqlıq qutqarıw otryadı 2-orın hám Qaraózek rayonı Ayrıqsha jaǵdaylar bólimi 6-sanlı Kásbiylestirilgen órt qutqarıw bólekshesi 3-orındı iyeledi.

Ózbekstan mámleketlik mákemeler hám jámiyetlik xızmeti xızmetkerleri kásiplik awqamı Qaraqalpaqstan Keńesi hám Qaraqalpaqstan Respublikası Ayrıqsha jaǵdaylar basqarması kásiplik awqamı shólkemi tárepinen jarıs qatnasıwshılarına kóshpe kubok, diplom hám estelik sawǵaları tapsırıldı.

Ózbekstan mámleketlik mákemeler hám jámiyetlik xızmeti xızmetkerleri kásiplik awqamı Qaraqalpaqstan Keńesi tárepinen “Eń jaqsı darwazaban”, “Eń jaqsı qorǵawshı”, “Eń jaqsı kóp top kiritken oyınshı” hám “Eń belsendi qatnasqan komanda” nominaciyaları boyınsha diplomlar berildi.

11-noyabr “Ózbekstan kásiplik awqamları kúni”ne arnalıp ótkerilgen Qaraqalpaqstan Respublikası Ayrıqsha jaǵdaylar basqarması baslıǵınıń kóshpe kubogi jarısına jámi 19 komanda 180 xızmetkerler qatnastı.