Ózbekstan kásiplik awqamları Federaciyasınıń Qaraqlpaqstan Keńesi tárepinen Moynaq rayonındaǵı “Aq keme” balalar dem alıs orayında “2022-jıl jaz máwsimin shólkemlestiriw hámde onı joqarı dárejede ótkeriw boyınsha” aymaqlıq seminar ótkerildi.

Seminarda Qaraqalpaqstan Respublikası Muwapıqlastırıwshı topar baslıǵınıń orınbasarı, Ózbekstan kásiplik awqamları Federaciyasınıń Qaraqalpaqstan Keńesi baslıǵı, senator U.Jalmenov, Qaraqalpaqstan Respublikası Ministrler Keńesi baslıǵınıń orınbasarı A.Daniyarov, Ózbekstan kásiplik awqamları Federaciyası wákili, Ózbekstan transport, jol hám kapital qurılıs, qurılıs industriyası xızmetkerleri kásiplik awqamları Respublikalıq keńesi baslıǵınıń orınbasarı B.Sultanov, Moynaq rayonı hákimi B.Menglibaev, qala hám rayon hákimler orınbasarları, Qaraqalpaqstan Respublikası Xalıq bilimlendiriw, Den sawlıqtı saqlaw, Mádeniyat, Sporttı rawjlandırıw ministrlikleri, Ayrıqsha jaǵdaylar basqarması juwapker xızmetkerleri, respublikamızdaǵı barlıq balalar dem alıs oraylarınıń baslıqları, tárbiyashıları, jetekshiler hám aspazları, ulıwma bilim beriw mekteplerinde shólkemlestiriletuǵın “Sawalandırıw maydanshıları”n iskerligin shólkemlestiriw boyınsha qala hám rayonlıq xalıq bilimlendiriw bólimleriniń juwapker xızmetkerleri qatnastı.

Ilajda Qaraqalpaqstan Respublikası Muwapıqlastırıwshı topar baslıǵınıń orınbasarı, Ózbekstan kásiplik awqamları Federaciyasınıń Qaraqalpaqstan Keńesi baslıǵı, senator U.Jalmenov, Qaraqalpaqstan Respublikası Ministrler Keńesi baslıǵınıń orınbasarı A.Daniyarov, Ózbekstan kásiplik awqamları Federaciyası wákili, Ózbekstan transport, jol hám kapital qurılıs, qurılıs industriyası xızmetkerleri kásiplik awqamları Respublikalıq keńesi baslıǵınıń orınbasarı B.Sultanovlar kún tártibindegi máselelerdi ámelge asırılatuǵın wazıypaları boyınsha túsinikler berdi.

Sonday-aq, seminarda jazǵı máwsimdi talaplar dárejesinde hár tárepleme puqta tayarlanǵan rejeler tiykarında Xalıq bilimlendiriw, Ishki isler, Densawlıqtı saqlaw, Madeniyat hám Sporttı rawajlandırıw ministrlikleri xızmetkerleriniń bayanlamaları tıńlandı.

Balalardıń usı jıl jazǵı sawalandırıw máwsimdi qızıqlı hám mazmunlı ótkeriw boyınsha anıq is-ilajlar belgilenip alındı.

Ilaj juwmaǵında seminar qatnasıwshıları «Aq keme” orayında 2022-jıl jazǵı sawalandırıw máwsimge tayarlıq jumısları menen jaqınnan tanıstı.