Ózbekstan Isbilermenlik, biznes hám xızmet kórsetiw shólkemleri xızmetkerleri kásiplik awqamı Qaraqalpaqstan Respublikası birlesken komiteti taraw sistemasındaǵı juwapkershiligi sheklengen jámiyet túrindegi «AMUDARYaTEX» shet el karxanasında usı jıldıń 24-mart kúni 2019-2022-jıllar ushın kabıl etilgen jámáátlik shártnaması bántleriniń 2021-jılda orınlanıwı boyınsha jıynalıs konferenciyası bolıp ótti.

Konferenciyada Ózbekstan Isbilermenlik, biznes hám xızmet kórsetiw shólkemleri xızmetkerleri kásiplik awqamı Qaraqalpaqstan Respublikası birlesken komiteti baslıǵı Q.Bekmanova, Ózbekstan kásiplik awqamları Federaciyası Karaqalpaqstan Qeńesi sociallıq qorǵaw bólimi meńgeriwshisi P.Tóremuratov, bólim jetekshi qániygesi E.Utepbergenov qatnastı.

Konferenciyada 2021-jıl jámáátlik shártnaması hám qosımshalarınıń orınlanıwı boyınsha direktor orınbasarı A.Yusupov, kásiplik awqamı komiteti baslıǵı F.Kabulov hámde tekseriw komissiyası baslıǵı M.Awezovlardıń esabatları tıńlandı.

Bayanatlarda kárxananıń islep shıǵarıw, ekonomikalıq, sociallıq tarawları tolıq qamrap alındı.

Konferenciyada Ózbekstan Isbilermenlik, biznes hám xızmet kórsetiw shólkemleri xızmetkerleri kásiplik awqamı Qaraqalpaqstan Respublikası birlesken komiteti baslıǵı Q.Bekmanova sózge shıǵıp, Ózbekstan kásiplik awqamları Federaciyası tárepinen 2021-jıl dawamında 7 áhmiyetli jónelislerde ámelge asırǵan jumıslar boyınsha maǵlıwmat berdi.

Konferenciya qatnasıwshıları ózleriniń qızıqtırǵan sorawlarına juwaplar aldı.

Konferenciya sońında delegatlar 2021-jılda jámáátlik shártnaması hám onıń qosımshaları orınlanıwın qanaatlandırarlı dep tabıldı.