O’zbekiston Respublikasi Mustaqilligining 32 yillik munosabati bilan O’zbekiston ta’lim va fan xodimlari kasaba uyushmasi Nukus shahar bo’linmasi kengashi tomonidan Nukus shahridagi maktabgacha ta’lim tashkilotlarida faoliyat olib borayotgan xodimlar o’rtasida sportning shaxmat, shashka, stol tennisi, darts turlari bo’yicha jori yilning 24 avgust kuni sport musobaqasi o’tkazildi.

O’tkazilgan sport musobaqasiga shahardagi barcha maktabgacha ta’lim tashkilotlarida ishlovchi xodimlar ishtirok etib, o’zlarining jismoniy qobiliyati va chaqqonligini ko’rsatib, o’zaro o’zaro bellashdilar. Qizg’in bahs va murosasiz kurashlar ostida o’tgan musobaqa xodimlarning sportga bo’lgan qiziqishini yanada oshirib, ularning g’alabaga bo’lgan ishtiyoqini mustahkamladi. Hamma ishtirokchilar musobaqada g’olib bo’lish uchun astoydil xarakat qilishdi.

Musobaqa yakunida barcha sport turlari bo’yicha g’oliblikni qo’lga kiritgan ishtirokchilarga O’zbekiston ta’lim va fan xodimlari kasaba uyushmasi Nukus shahar bo’linmasi kengashining esdalik sovg’alari va diplomlari topshirildi.