Ózbekstan Respublikası Ǵárezsizliginiń 32 jıllıǵı múnásibeti menen Ózbekstan bilimlendiriw hám ilim xızmetkerleri kásiplik awqamı Nókis qalalıq bólimshesi keńesi tárepinen Nókis qalasındaǵı mektepke shekemgi bilimlendiriw shólkemlerinde islewshi xızmetkerler arasında sporttıń shaxmat, shashka, stol tennisi, darts túrleri boyınsha usı jıldıń 24-avgust kúni sport jarısları ótkizildi.

Ótkizilgen sport jarısına qaladaǵı barlıq mektepke shekemgi bilimlendiriw shólkemlerinde islewshi xızmetkerler qatnasıp, ózleriniń fizikalıq uqıplılıǵın hám shaqqanlıǵın sınnan ótkizdi.

Qızǵın tartıs há ózara kelisimsiz gúresler astında ótken jarıs xızmetkerlerdiń sportqa bolǵan qızıǵıwshılıǵın jánede arttırıp, olardıń jeniske bolǵan tilegin bekkemledi. Barlıq qatnasıwshılar jarısta jeńimpaz bolıw ushın juwapkershilik penen háreket etti.

Jarıs juwmaǵında sport túrleri boyınsha jeńimpazlıqtı qolǵa kirgizgen qatnasıwshılarǵa Ózbekstan bilimlendiriw hám ilim xızmetkerleri kásiplik awqamı Nókis qalalıq bólimshesi keńesiniń estelik sawǵa hám diplomlari tapsırıldı.