Jahon Sog’liqni saqlash tashkiloti 1948 yil 7 aprel kuni tashkil topgan. Ushbu sana Jahon salomatlik kuni sifatida butun dunyoda bayram qilinadi, turli aktsiya va tadbirlar o’tkaziladi. Xususan, yurtimizda ham keng aholi qatlamini qamrab oluvchi kichik marafon, sport musobaqalari tashkil etiladi.

Shuningdek, O’zbeksiton Respublikasi Prezidentining 2022 yil 28 yanvardagi PF-60-sonli Farmoni bilan tasdiqlangan 2022-2026 yillarga mo’ljallangan yangi O’zbekistonning taraqqiyot strategiyasining “Inson qadrini ulug’lash va faol mahalla yili”da amalga oshirishda davlat dasturining bajarilishini ta’minlash maqsadida, O’zbekiston kasaba uyushmalari Federatsiyasining Qoraqalpog’iston Kengashining 2022 yilga mo’ljallangan chora-tadbirlar dasturiga muvofiq “7 aprel – Butunjahon calomatlik kuni” munosabati bilan yurish marafoni o’tkazildi.

Yurish marafoni Nukus shahridagi Do’stlik kanali bo’ylab boshlanib «Turan» stadionida yakunlandi, unda 1000 ga yaqin korxona va tashkilotlarda ishlayotgan yoshlar faol ishtirok etishdi. Stadionda marafon ishtirokchilari ertalabki badan tarbiya mashqlari bilan davom etdi.