O’zbekiston davlat muassasalari va jamoat xizmati xodimlari kasaba uyushmasi Qoraqalpog’iston Kengashi tassarufidagi boshlang’ich kasaba uyushma tashkilotlari o’rtasida sportning shashka, shaxmat va stol tennis turlari bo’yicha musobaqa o’tkazildi.

Taxiatosh tumanidagi «Aydыn jol» bolalar dam olish va sog’lomlashtirish oromgohida o’tkazilgan musobaqa har bir sport turi bo’yicha ayollar va erkaklar o’rtasida o’tkazilib 60 nafardan ziyot xodimlar qatnashdi.

Musobaqa yakunlari bo’yicha har bir sport turi bo’yicha g’oliblar aniqlandi va Qoraqalpog’iston Kengashining diplom va esdalik sovg’alari bilan taqdirlandi.

Taqdirlash marosimida O’zbekiston davlat muassasalari va jamoat xizmati xodimlari kasaba uyushmasi Qoraqalpog’iston Kengashi raisi o’rinbosari S.Oteuliev ishtirok etdi.