Бүгинги күнде Нөкис қаласында “Туран” ҳәм “Арал” балалардың дем алыў ҳәм саўалландырыў орайлары оқыўшылардың 2023-жылғы жазғы дем алыс ўақытларын мазмунлы өткериў ҳәм саламластырыў мақсетинде өз жумысын алып бармақта. Ҳәзирги ўақытта 4-гезекте ҳәр бир орайда 90 баладан дем алып атыр.

Балалардың дем алыў орайларындағы ўақтын мазмунлы өткериў мақсетиндеги Өзбекстан кәсиплик аўкамлары Федерациясының Карақалпақстан Кеңеси Атқарыў комитетиниң 2023-жыл 1-июндағы 12-10 “с”-санлы қарары, сондай-ақ Балалардың дем алыўы ҳәм саўалландырылыўын шөлкемлестириў департаменти Қарақалпақстан Республикасы басқармасының 2023-жыл 20-июлдағы РМ-01/50-санлы хаты тийкарында Өзбекстан билимлендириў ҳәм илим хызметкерлери кәсиплик аўқамы Нөкис қалалық бөлимшеси кеңеси атқарыў комитети тәрепинен “Туран” ҳәм “Арал” балалардың дем алыў ҳәм саўалландырыў орайларында 4-гезекте дем алып атырған балалар арасында “Саламат бала-Ўатан таянышы» атамасында спорттың шахмат, шашка, стол тенниси, киши футбол, баскетбол түрлери бойынша жарыслар шөлкемлестирилди. Бул жарысты өткериў ушын шөлкемлестириў комитети дүзилип, жарысты әдил алып барыў ушын төрешилер қурамы қәлиплестирилди. Спорт жарысларына ҳәр бир орайдан спорт түрлери бойынша ең шаққан ҳәм епшил балалар спорт түрлери бойынша таңлап алынып, жәми 52 бала қатнасты.

Жарыс жуўмақлары бойынша “Арал” балалардың дем алыў ҳәм саўалландырыў орайы командасы 1-орын, “Туран” балалардың дем алыў ҳәм саўалландырыў орайы командасы 2-орынды ийелеп, шөлкемлестириўшилер тәрепинен таярланған диплом, медал ҳәм саўғалар менен сыйлықланды. Өткерилген жарыслар балалардың ядында узақ ўақыт қалатуғындай қызықлы ҳәм мазмунлы болып өтти.