Усы жылдың 5-май күни Әмиўдәрья районы ҳәкимлигинде Өзбекстан Республикасы Президентиниң 2025-жыл 17-октябрдеги ушырасыўында белгиленген ўазыйпалар ҳәмде “2026-жыл – Мәҳәллени раўажландырыў ҳәм жәмийетти жетилистириў жылы” Мәмлекетлик дәстүри шеңберинде Қарақалпақстан Республикасындағы фермер хожалықларының 103 аймақлық басланғыш кәсиплик аўқамы шөлкемлери баслықларына ҳәзирги күнде усы шөлкемлер ис ҳәрекетиниң жоқарлатыўын жолға қойыў, шөлкемлестириў-норматив жумысларын туўры шөлкемлестириў ҳәм баслықларына әмелий көмек бериў мақсетинде оқыў-семинар шөлкемлестирилди.

Семинар даўамында:

-кәсиплик аўқамлары ҳәрекетин жетилистириў

-хызметкерлердиң мийнет ҳуқуқлары ҳәм социал мәплерин қорғаў

-тармақтағы реформалар мазмуны

бойынша тийкарғы ҳәм әмелий мағлыўматлар берилип өтилди.

Сондай-ақ, қатнасыўшылар Әмиўдәрья районы Шайкөл АПЖдағы “Дослық-Толқын” аймағындағы басланғыш кәсиплик аўқамы шөлкеми баслығы ханасына барып, алды тәжрийбелери менен жақыннан таныстырылды.

Семинар даўамында қатнасыўшылар өз-ара тәжрийбе алмасып, кәсиплик аўқамлары тәжрийбелерин жәнеде жетискенликлерин пайда етиў бойынша жаңа билим ҳәм көнликпелерине ийе болды.

Семинар даўамында қатнасыўшыларға Өзбекстан кәсиплик аўқамлары Федерациясының тәжрийбесин асырыў институтының сертификатлары тапсырылды.