19-ноябрь күни Өзбекстан кәсиплик аўқамлары Федерациясы Қарақалпақстан Кеңесиниң мәжлислер залында “18-ноябрь Өзбекстан Республикасы байрағының қабылланғанына 30 жыллық” байрамы ҳәм Өзбекстан кәсиплик аўқамлары Федерациясы Кеңеси баслығы Қудратилла Мирсагатович Рафиковтың “Менинг Президентим” китабының презентациясы бойынша мәрипат сааты өткерилди.

Мәрипат саатты Өзбекстан билимлендириў ҳәм илим хызметкерлери кәсиплик аўқамы Нөкис қалалық бөлимшеси кеңеси баслығы З.Есенбаев ашты ҳәм алып барды.

Мәрипат саатына Қарақалпақстан Республикасы руўхыйлық ҳәм ағартыўшылық орайы лекторы Аяпов Шарапатдин, Өзбекстан кәсиплик аўқамлары Федерациясы Қарақалпақстан Кеңеси баслығы, сенатор Улуқбек Абылаевич Жалменов ҳәм Өзбекстан билимлендириў ҳәм илим хызметкерлери кәсиплик аўқамы Республикалық Кеңесиниң Қарақалпақстан Республикасы бойынша жуўаплы шөлкемлестириўшиси Рустам Абдурахимович Абдурахманов қатнасты.

Мәрипат саатында Қарақалпақстан Республикасы руўхыйлық ҳәм ағартыўшылық орайы лекторы Ш.Аяпов, Өзбекстан кәсиплик аўқамлары Федерациясы Қарақалпақстан Кеңеси баслығы, сенатор У.Жалменовлар сөзге шығып күн тәртибиндеги мәселе бойынша кең түсиниклер берди.

Мәрипат сааты соңында Өзбекстан кәсиплик аўқамлары Федерациясы Кеңеси баслығы Қудратилла Мирсагатович Рафиковтың “Менинг Президентим” китабы қатнасыўшыларға тарқатылды.

Илажға Нөкис қаласындағы улыўма билим бериў мәкемелери кәсиплик аўқам комитети баслықларынан 38 адам қатнасты.