8 март “Халық аралық ҳаял-қызлар күни” байрамы мүнәсибети менен Бердақ атындағы Қарақалпақ мәмлекетлик университетинде ҳаял-қызлар арасында спорттың волейбол түри бойынша жарыс өткерилди. Инсан саламатлығын беккемлеўде спорттың тутқан орны әҳмийетли. Жарысты өткериўден мақсет болса спорттың ғалабалығына ерисиў, ҳаял-кызлар арасында саламат турмыс тәризин кең ен жайдырыў, олардың бос ўакытларын мазмунлы өткериўден ибарат. Инсаннан шаққанлық ҳәм епшилликти талап ететуғын волейбол жарысында 3 орынды Қарақалпақстан аўыл хожалығы ҳәм агротехнологиялар институты, 2 орынды O’zLiDeP Қарақалпақстан Республикалық Кеңеси ийелеген болса, 1 орынды Бердақ атындағы Қарақалпақ мәмлекетлик университетиниң командалары жеңимпаз болды. Сәне мүнәсибети менен өткерилген жарыста жеңимпаз командаларға диплом ҳәмде естелик саўғалары тапсырылды.