Qaraqalpaqstan Respublikasında pitkeriwshi student-jaslardıń miynet huqıqıy sawatlılıǵın asırıw, olardı social-ekonomikalıq qollap-quwatlaw mexanizmleri menen tanıstırıw hám de kásiplik awqamlarınıń ornı hám áhmiyetin keń úgit násiyatlaw maqsetinde joqarı okıw orınlarında úgit-násiyatlaw ushırasıwları shólkemlestirilmekte. Ózbekstan kásiplik awqamları Federaciyasınıń Qaraqalpaqstan Keńesi baslaması menen ótkerilip atırǵan usı ushırasıwlar “Jaslar keleshegi – múnásip miynetten baslanadı!” uranı astında shólkemlestirilip, Qaraqalpaqstandaǵı joqarı okıw orınları pitkeriwshi studentlerin qamtıp aladı.

Usınday ushırasıw 2026-jıl 1-may sánesinde, Nókis qalasındaǵı, Samarqand mámleket veterinariya, medicina, farmacevtika hám biotexnologiyalar universiteti Nókis filialında shólkemlestirildi.

Ilaj sheńberinde jaslar menen:

miynet huqıqları hámde sociallıq kepillikler;
birinshi jumıs ornındaǵı huqıq hám múmkinshilikler;
narasmiy bántliktiń risleri;
jas qánigelerdi qollap-quwatlaw mexanizmleri;
kásiplik awqamlarınıń qorǵaw hám mápdarlıq wazıypaları;
munásib miynet principlerı hám bántlik máseleleri turalı ashıq sáwbetler ótkerildi.

Bul baslama jaslardıń miynet bazarına tabıslı kirip barıwı, huqıqıy bilimdi bekkemlewi hám múnásip miynet principlerı tiykarında iskerligin baslawına, sonıń menen birge jaslar hám kásiplik awqamları arasında jemisli baylanıs maydanı bolıp xızmet etedi.