Ózbekstan kásiplik awqamları háreketiniń 120 jıllıǵı aldına 1-oktyabr-«Muǵallimler hám ustazlar kúni» bayramı múnásibeti menen usı jıldıń 26- hám 27-sentyabr kúnleri Ózbekstan bilimlendiriw hám ilim xızmetkerleri kásiplik awqamı Nókis qalalıq bólimshesi quramındaǵı bilimlendiriw mákemelerinde islep atırǵan 100 xızmetker Shılpıq qorǵanına, Beruniy rayonında jaylasqan Sultan Uvays baba hám Ellikqala rayonında jaylasqan Keshirmes baba, Norimjon baba zıyarat orınlarına alıp barıldı. Dáslebinde zıyaratshılar Sultan Uvays baba zıyarat ornına barıp, ol jerde quran oqılıp, pátiya etildi. Bunnan soń Keshirmes baba hám Norimjon baba zıyarat orınlarına da barıp, ol jerde de quran oqılıp, pátiya etildi.

Zıyaratshılarǵa bul tarıyxıy kompleks orınlarınıń tarıyxı, ullı tulǵalar, olardıń maqbaralarınıń qashan qurılǵanı haqqında qánigeler tárepinen keń túsinikler berildi.

Tariyxıy kompleks orınlarına bolǵan zıratlar xızmetkerler qálbinde úlken tásirler qaldırdı.