Barlıq jaqsı nárse balalarǵa!

Haqıyqatında da, mámleketimizde barlıq nárseler erteńimiz iyeleri bolǵan balalar ushın. Jaz máwsimi baslanıwı menen ata-analar perzentleriniń bir jerde kewilli dem alıwın támiyinlewge háreket etedi. Álbette, bunda elimizdegi dem alıw orayları perzentlerimiz ushın ózine tán tańlaw bolıp esaplanadı.

Qaraqalpaqstan Respublikasında da balalardıń salamat hám mazmunlı dem alıwın támiyinlew maqsetinde usı jıldıń 3-iyun kúninen baslap dem alıw oraylarına qabıllaw baslandı.

2025-jılǵı máwsimde balalardı sawalandırıw jumısları joqarı dárejede shólkemlestirilgen bolıp, búgingi kúnge kelip Qaraqalpaqstan Respublikasında 11 stacionar hám 69 kúndizgi dem alıw orınları jumıs alıp barmaqta.

Sonnan qala hám rayonlarda jaylasqan 69 kúndizgi dem alıw orınlarında jámi 16 750 bala, 11 stacionar orınlarında bolsa 7 140 bala, jámi 23 890 balanıń sawalandırılıwı rejelestirilgen.

Barlıq dem alıw orayları perzentlerimizdiń kewilli dem alıwı ushın medicina xızmetkerlerinen baslap pedagog-xızmetkerler, ruwxıylıq xanalarındaǵı hár qıylı atamadaǵı kitaplar balalardıń ıqtıyarında. Ásirese, hár bir kún sonday bólistirilgen, olar hasla zerigiw ne ekenin bilmeydi.