27-28-mart kúnleri Nókis qalasındaǵı “Badminton” sport bazasında “Nawrız ulıwmaxalıqlıq bayramı kúni” múnásibeti menen Nókis qalasındaǵı mektepke shekemgi bilimlendiriw shólkemleri hám ulıwma orta bilim beriw mekteplerinde islewshi xızmetkerler arasında sporttıń Badminton túrinen sport jarısı ótkerildi.

Qızǵın tartıs hám ózara kelisimsiz gúresler astında ótken jarıs xızmetkerlerdiń sportqa bolǵan qızıǵıwshılıǵın jánede arttırıp, olardıń jeniske bolǵan tilegin bekkemledi. Barlıq qatnasıwshılar jarısta jeńimpaz bolıw ushın juwapkershilik penen háreket etti.

Jarısqa mektepke shekemgi bilimlendiriw shólkemlerinen hám ulıwma orta bilim beriw mekteplerinen xızmetkerler qatnastı.

Jarıs juwmaǵında jeńimpazlıqtı qolǵa kirgizgen háyal-qızlarǵa Ózbekstan bilimlendiriw hám ilim xızmetkerleri kásiplik awqamı Nókis qalalıq bólimshesi hám Nókis qalalıq mektepke shekemgi hám mektep bilimlendiriw bólimi tárepinen tayarlanǵan diplom hám estelik sawǵaları tapsırıldı.