27-28-март күнлери Нөкис қаласындағы “Бадминтон” спорт базасында “Наўрыз улыўмахалықлық байрамы күни” мүнәсибети менен Нөкис қаласындағы мектепке шекемги билимлендириў шөлкемлери ҳәм улыўма орта билим бериў мектеплеринде ислеўши хызметкерлер арасында спорттың Бадминтон түринен спорт жарысы өткерилди.

Қызғын тартыс ҳәм өзара келисимсиз гүреслер астында өткен жарыс хызметкерлердиң спортқа болған қызығыўшылығын жәнеде арттырып, олардың жениске болған тилегин беккемледи. Барлық қатнасыўшылар жарыста жеңимпаз болыў ушын жуўапкершилик пенен ҳәрекет етти.

Жарысқа мектепке шекемги билимлендириў шөлкемлеринен ҳәм улыўма орта билим бериў мектеплеринен хызметкерлер қатнасты.

Жарыс жуўмағында жеңимпазлықты қолға киргизген ҳәял-қызларға Өзбекстан билимлендириў ҳәм илим хызметкерлери кәсиплик аўқамы Нөкис қалалық бөлимшеси ҳәм Нөкис қалалық мектепке шекемги ҳәм мектеп билимлендириў бөлими тәрепинен таярланған диплом ҳәм естелик саўғалары тапсырылды.