2024-jıl 28-avgust kúni Qaraqalpaq mámleketlik universitetinde Ózbekstan Respublikası mámleketlik ǵarezsizliginiń otız úsh jıllıq bayramı múnásibeti menen “Bir bolsaq – bir xalıqpız, birlessek – Watanbız!” ideyası tiykarında kásiplik awqamları xızmetkerleri arasında ótkerilgen sporttıń kishi futbol túri boyınsha “Ózbekstan kásiplik awqamıları Federaciyasınıń Qaraqalpaqstan Keńesi kubogi” sport jarısı ótkerildi.

Ilajda Ózbekstan kásiplik awqamları Federaciyasınıń Qaraqalpaqstan Keńesi baslıǵınıń orınbasarı M.Daniyarov, tarawlıq kásiplik awqamları Qaraqalpaqstan Respublikası Keńesi baslıqları, juwaplı shólkemlestiriwshileri qatnasıp, jarıs qatnasıwshılarına áwmetler tiledi.

Kún dawamında sport jarısı qızǵın ótip hám tájiriybeli tóreshiler tárepinen komandalıq esapta utıp shıqqan jeńimpazlardı anıqlandı.

Bunda:

Ózbekstan Respublikası mámleketlik ǵarezsizliginiń otız úsh jıllıq bayramı múnásibeti menen “Ózbekstan kásiplik awqamıları Federaciyasınıń Qaraqalpaqstan Keńesi kubogi” ushın kásiplik awqamları xızmetkerleri arasında ótkerilgen sporttıń kishi futbol túri boyınsha sport jarısında 3-orındı Mádeniyat, sport hám turizm xızmetkerleri kásiplik awqamı tarawlıq komandası, 2-orındı Ózbekstan kásiplik awqamları Federaciyasınıń Qaraqalpaqstan Keńesi komandası, 1-orındı Agrosanaat kompleksi xızmetkerleri kásiplik awqamı tarawlıq komandaları jeńimpaz dep tabıldı.

Komandalıq esapta jeńimpaz bolǵan Agrosanaat kompleksi xızmetkerleri kásiplik awqamı tarawlıq komandasına “Kásiplik awqamı kubogi” tapsırıldı.

Sonday-aq, Ózbekstan kásiplik awqamları Federaciyasınıń Qaraqalpaqstan Keńesi tárepinen túrli nominaciyalar boyınsha sonıń menen birge, jeńimpaz komandalarǵa diplomlar hám sawǵalar tapsırıldı.