Ózbekstan Respublikası Prezidentınıń 1996 jıl 4-mart kúngi 1378-sanlı Pármanına tiykar Ózbekstan Respublikası Ayrıqsha jaǵdaylar ministrligi shólkemlestirilgenligi múnásebeti menen hár jılı 4-mart kúni kásiplik bayramı sıpatında keń túrde belgilenip kelinbekte.

Usı múnásebet penen Qaraqalpaqstan Respublikası Ayrıqsha jaǵdaylar basqarması tárepinen 4-mart kásip bayramı kóterinki ruxta kutip alıw maqsetinde basqarma quramındaǵı arnawlı wazıypalar boyınsha aymaqlıq qutqarıw otryadı hám rayonlardaǵı kásiplestirilgen órt qutqarıw bólimlerinde islewshi xızmetkerlerdiń shańaraqları arasında «Ákem anam men sportshı shańaraqpiz» súreni astında «Quwnaq startlar» jarısı ótkerildi

Jarısta 29 shańaraq qatnasıp ámi 107 qatnasıwshı qatnastı.

Jarıs juwmaǵı boyınsha Taxtakópir rayonı ayrıqsha jaǵdaylar bólimine qaraslı 17-sanlı Kásiplestirilgen órtke qutqarıw bólimi islewshi M.Davletkarimovlar shańaraǵı 1 orın, Xójeli rayonı rayonı ayrıqsha jaǵdaylar bólimine qaraslı 19-sanlı órtke qutqarıw bóliminde islewshi M.Ablakamalovlar shańaraǵı 2 orın hám Moynaq rayonı ayrıqsha jaǵdaylar bólimine qaraslı 13-sanlı Kásiplestirilgen órtke qutqarıw bólimi islewshi B.Qannazarovlar shańaraǵı 3-orındı iyelep shólkemlestiriwshiler hám Qaraqalpaqstan Keńesi tárepinen qımbat bahalı estelik sawǵaları tapsırıldı.