Qaraqalpaqstan Respublikası Ayrıqsha jagdaylar basqarması sistemasındaǵı Arnawlı wazıypalardı atqarıwshı aymaqlıq qutqarıw otryadı hám rayonlardaǵı Kásiplestirilgen órtten qutqarıw bólimlerinde islewshi qutqarıwshılar arasında sporttıń mini futbol túri boyınsha 11-noyabr “Kásiplik awqamları kúni”ne arnalǵan Qaraqalpaqstan Respublikası Ayrıqsha jaǵdaylar basqarması baslıǵınıń kóshpeli kubogi jarısı ótkerildi.

Ótkerilgen jarısta komandalar arasında jaqsı nátiyjelerdi kórsetken Bozataw rayonı ayrıqsha jaǵdaylar bóliminiń 29-sanlı kásiplestirilgen órtten qutqarıw bólimi 1-orın, Arnawlı wazıypalardı orınlawshı aymaqlıq qutqarıw otryadı 2-orın hám Qaraózek rayonı ayrıqsha jaǵdaylar bóliminiń 6-sanlı kásiplestirilgen órtten qutqarıw bólimi 3-orındı iyeledi.

Qaraqalpaqstan Respublikası Ayrıqsha jaǵdaylar basqarmasınıń baslanǵısh kásiplik awqamı shólkemi tárepinen 1-2-3-orınlardı iyelegen komandalarǵa hámde “Eń jaqsı dárwazaban” hám “Eń jaqsı oyınshı” nominaciyaları boyınsha diplom hám estelik sawǵları tapsırıldı.

11-noyabr “Kásiplik awqamları kúni”ne arnap ótkerilgen Qaraqalpaqstan Respublikası Ayrıqsha jaǵdaylar basqarması baslıǵınıń sporttıń mini futbol túri boyınsha kóshpeli kubogi jarısına jámi 18 komanda 175 xızmetkerler qatnastı.