Qoraqalpog’iston Respublikasi Favqulodda vaziyatlar boshqarmasi tizimidagi Maxsus vazifalarni bajaruvchi mintaqaviy qutqaruv otryadi va tumanlardagi Kasblashtirilgan yong’indan qutqaruv qismlarida ishlovchi qutqaruvchilar o’rtasida sportning mini futbol turi bo’yicha 11-noyabr “O’zbekiston kasaba uyushmalari kuni”ga bag’ishlanib Qoraqalpog’iston Respublikasi Favqulodda vaziyatlar boshqarmasi boshlig’ining ko’chma kubogi musobaqasi o’tkazildi.

O’tkazilgan musobaqada jamoalar orasida yaxshi natijalarni ko’rsatgan Bo’zatov tumani Favqulodda vaziyatlar bo’limining 29-sonli Kasblashtirilgan yong’indan qutqaruv qismi 1-o’rin, Maxsus vazifalarni bajaruvchi mintaqaviy qutqaruv otryadi 2-o’rin va Qorao’zak tumani Favqulodda vaziyatlar bo’limining 6-sonli Kasblashtirilgan yong’indan qutqaruv qismi 3-o’rinni egalladi.

Qoraqalpog’iston Respublikasi Favqulodda vaziyatlar boshqarmasining boshlang’ich kasaba uyushmasi tashkiloti tomonidan 1-2-3 o’rinlarni egallagan jamoalarga hamda “Eng yaxshi darvozabon” va “Eng yaxshi o’yinchi” nominatsiyalari bo’yicha diplom va esdalik sovg’alari topshirildi.

11-noyabr “O’zbekiston kasaba uyushmalari kuni”ga bag’ishlanib o’tkazilan Qoraqalpog’iston Respublikasi Favqulodda vaziyatlar boshqarmasi boshlig’ining sportning mini futbol turi bo’yicha ko’chma kubogi musobaqasiga jami 18 ta jamoa 175 nafar xodimlar  qatnashdi.