Қарақалпақстан Республикасы Айрықша жагдайлар басқармасы системасындағы Арнаўлы ўазыйпаларды атқарыўшы аймақлық қутқарыў отряды ҳәм районлардағы Кәсиплестирилген өрттен қутқарыў бөлимлеринде ислеўши қутқарыўшылар арасында спорттың мини футбол түри бойынша 11-ноябрь “Кәсиплик аўқамлары күни”не арналған Қарақалпақстан Республикасы Айрықша жағдайлар басқармасы баслығының көшпели кубоги жарысы өткерилди.

Өткерилген жарыста командалар арасында жақсы нәтийжелерди көрсеткен Бозатаў районы айрықша жағдайлар бөлиминиң 29-санлы кәсиплестирилген өрттен қутқарыў бөлими 1-орын, Арнаўлы ўазыйпаларды орынлаўшы аймақлық қутқарыў отряды 2-орын ҳәм Қараөзек районы айрықша жағдайлар бөлиминиң 6-санлы кәсиплестирилген өрттен қутқарыў бөлими 3-орынды ийеледи.

Қарақалпақстан Республикасы Айрықша жағдайлар басқармасының басланғыш кәсиплик аўқамы шөлкеми тәрепинен 1-2-3-орынларды ийелеген командаларға ҳәмде “Ең жақсы дәрўазабан” ҳәм “Ең жақсы ойыншы” номинациялары бойынша диплом ҳәм естелик саўғлары тапсырылды.

11-ноябрь “Кәсиплик аўқамлары күни”не арнап өткерилген Қарақалпақстан Республикасы Айрықша жағдайлар басқармасы баслығының спорттың мини футбол түри бойынша көшпели кубоги жарысына жәми 18 команда 175 хызметкерлер қатнасты.