Qaraqalpaqstan awıl xojalıǵı hám agrotexnologiyalar institutı májilisler zalında Ózbekstan Agrosanaat kompleksi xızmetkerleri kásiplik awqamı Respublika keńesi intasi menen Agrosanaat kompleksi xızmetkerleri kásiplik awqamı Qaraqalpaqstan Respublikası tarawındaǵı kárxana hám shólkemleriniń kásiplik awqamları belsendileri ushın oqıw seminarı bolıp ótti.

Onda, Ózbekstan Agrosanaat kompleksi xızmetkerleri kásiplik awqamı Respublika keńesi baslıq orınbasarı Ǵ.Ya.Safarov, respublika keńesiniń miynet inspekciyası baslıǵı-bas miynet inspektorı A.B.Musulmanov, Agrosanaat kompleksi xızmetkerleri kásiplik awqamı Qaraqalpaqstan Respublikası boyınsha juwaplı shólkemlestiriwshisi E.E.Seytnazarov qatnastı.

Seminar dawamında Ózbekstan kásiplik awqamları Federaciyasınıń 2023-jıl 17-iyul kúngi 10-1-sanlı Atqarıw komiteti qararınıń orınlanıwı boyınsha belgilengen wazıypalar, sociallıq qorǵaw, sonnan jámáátlik kelisimleri hámde shártnamalarda belgilengen tártipte rásmiylestiriw boyınsha rayon hám qala keńesleri hámde baslanǵısh kásiplik awqam shólkemlerinde jol qoyılǵan kemshilikler, is beriwshi hám xızmetker arasındaǵı miynetke baylanıslı múnásebetler, miynetti qorǵaw ilajların shólkemlestiriw, orınlarda qolaylı shárayatlardı jaratıw hám baxıtsız hádiyselerdiń aldın alıwda kásiplik awqamlarınıń wazıypaları, tarawǵa tiyisli mashqalalar hám olardıń sheshimi barısında pikir almasıldı.