Bıyılǵı jıl jaz máwsiminde Respublikamız aymaǵındaǵı 11 stacionar túrdegi balalar dem alıw oraylarında jámi 7698 balanı sawalandırıw rejelestirilip, sonnan: 6 orayında 5788 balanı (“Shanaraqlıq balalar úyi”leriniń hámde kem támiyinlengen, baǵıwshısın joǵaltkań shańaraqlardıń 3000 bala, kásiplik awqamları qárejetler esabınan 2788 bala) sonday-aq, jergilikli hákimlikler, xojalıq organları hám qáwenderler esabınan 5 oqıw mákemeleriniń bazasında shólkemlestireletuǵın orayında 1910 balanı sawalandırıw rejelestirilgen.

Stacionar túrdegi oraylarda xámde mádeniyat hám sport sawalandırıw maydanshalarında 24448 bala dem aldırıladı, bul respublikamız mekteplerindegi 7-14 jastaǵı oqıwshı balalar sanınıń 8,6 payızın quraydı.

Hár jılǵı ádetke kóre, balalardı sawalandırıw máwsimine 2-iyun kúninen start berilip. 11 stacionar hámde 69 sawalandırıw maydanshalarında balalar dem alıwı baslandı.

Búgingi kúnde máwsimniń 1-4 gezeklerde 11 stacionar túrdegi balalar oraylarında jámi 5481 (sonnan “Shanaraqlıq balalar úyi”leriniń hámde kem támiyinlengen, baǵıwshısın joǵaltkań shańaraqlardıń 1393 bala) balalar sawalandırıldı.

Sonıń menen birge, qala-rayonlarda iskerligin júrgizip atırǵan 69 saӯalandırıw maydanshalarında jámi 13400 balalar dem aldırılıwı támiyinlendi.

Oraylarda tálim-tárbiya jumısların, medicinalıq xızmet kórsetiw, balalardıń qáwipsizligin támiyinlewin shólkemlestiriw boyınsha oraylarǵa tájiriybeli pedagog-xızmetkereler, medicina, SES, Ishki isler, ayrıqsha jaǵdaylar hámde Milliy gvardiya xızmetkerleri biriktirildi.

Oraylarǵa basqa shaxslar, ata-analardıń hámde túrli transportlardıń kiriwi qadaǵalanǵan, sonıń menen birge, oraylarda balalardı awqatlandırıw boyınsha autsorsing xızmeti engizilgen bolıp, Ózbekstan Respublikası Sanitariyalıq-epidemiologiyalıq tınıshlıq hám jámiyet salamatlıǵı xızmeti hámde Balalardıń dem alıwı hám sawalandırıwın shólkemlestiriw departamenti menen birgelikte balalardı salamat awqatlandırıw boyınsha úlgili menyular islenip shıǵılıp, oraylarda kúnine 5 márte awkat beriledi (azanǵı as, túslik, ekinshi túslik, keshki awqat, ekinshi keshki awqat).

Balalar dem alıw oraylarına hár bir aymaqtan balalardıń qáwipsizligi támiyinlegen halda arnawlı avtotransportlarda kelip-ketiwleri támiyinlenbekte.

Máwsimniń 5-gezegi usı jıldıń 28-iyul kúninen baslanıp, 8 stacionar túrdegi oraylarǵa jámi 1165 bala (sonnan kem támiyinlengen hám baǵıwshısın joǵaltkań shańaraqlardıń 775 bala) qabıl etiledi.