2023-jıldın 28-aprel kúni Ózbekstan kásiplik awqamları Federaciyasınıń Qaraqalpaqstan Keńesi tárepinen 28-aprel «Pútkil dúnya júzilik miynetti qorǵaw kúni»ne baǵıshlanǵan “Insan qádiri hám salamatlıǵı – jumıs orınlarındaǵı qáwipsiz miynet etiw shárayatları menen tıǵız baylanıslı” atamasında is-ialjlar ótkerildi.

Xalıqaralıq miynet shólkeminiń baslaması menen 2003-jıldan berli dástúrge aylanıp hár jılı belgilenip kiyatırǵan bul ilaj, dúnya jámiyetshiligin úlken mashqalaǵa, yaǵnıy jumıs orınlarında bolıp atırǵan aqıbeti jeńil, awır hám ólim menen juwmaqlanǵan baxıtsız hádiyselerdi, kásip keselliklerine ushırawdıń aldın alıw hám miynetti qorǵaw máselelerine itibardı kúsheytiwge qaratıp kelmekte.

Jumıs orınlarında qáwipsizlikke iye bolǵan miynet shárayatları bul – qáwipsiz hám salamat shárayatlarına bolǵan huqıq basshılıǵı hám xızmetkerler tárepinen qádirleniwi hám olardıń qoshametlentiriliwi.

Barlıq táreplerdiń miynet qáwipsizligi hám gigienasın turaqlı jaqsılawdaǵı qatnası – insan qádiri hám salamatlıǵı jolındaǵı nátiyjeli háreketti sáwlelendiredi.

Global rawajlanıw processi aldımızǵa jańa wazıypalardı qoyıp atır.

Biz salamat ortalıqtı jaratqan jaǵdayda, insanlar qáwipsiz shárayatlarda miynet etiwine erisiwdi maqset qılǵanbız.

Tájriybe sonı kórsetpekte, qáwipsiz miynet etiw shárayatları joqarı dárejede bolıwı xızmetkerlerge, jumıs beriwshilerge hám Húkimetke birdey payda keltiredi.

Insan qádiri hám salamatlıǵı jolında – jumıs beriwshiler tárepinen miynetti qorǵawǵa baǵdarlanǵan qarjı bul ǵárejet emes, bálkim keleshek ushın investiciya bolıp esaplanadı.