1997-jıldan baslap Xalıqaralıq Miynet Shólkemi tárepinen 12-iyun – “Pútkil dúnya júzilik balalar miynetine qarsı gúresiw kúni” dep járiyalanǵan.

Usı sáne múnásibet menen Ózbekstan kásiplik awqamları Federaciyasınıń Qaraqalpaqstan Keńesi tárepinen Nókis kalasındaǵı “Turan” hám “Aral” balalar jazǵı dem alıw oraylarında 12 – iyun – «Pútkil dúnya júzilik balalar miynetine qarsı gúresiw kúni» ne baǵishlanǵan «Balalar miynetin toqtatıw ushın ulıwma sociallıq qorǵaw» uranı astında bir qatar ilajlar ótkerildi.

“Turan” hám “Aral”  balalar jazǵı dem alıw orayındaǵı dem alıwshı balalar menen sporttıń qılıshpazlıq hám awır atletika túrinen Ózbekstan chempionları Nafisa Urazbaeva, Alisher Radjapovlar menen wshrasıwlar ótkerilip, chempionlar ózleriniń usı tabıslarına erisiwinde mámleketimizde bárshe sharayatlardıń jaratılǵanlıǵın, bunnan jaslarımız durıs paydalana biliwi, birinshi gezekte jaqsı oqıwı, udayı túrde sport penen shuǵıllanıwı, bos waqıtların durıs shólkemlestiriwi kerekligin hám bul baǵdarlaǵı jumıslarda ata-analar keń jámiyetshilik penen birgelikte jumıs alıp barıw zárúrligin  aytıp ótti.

Bunnan soń sózge shıqqanlar baqsha, mektep, kolledjler, balalar dem alıw oraylarınıń, sonday-aq balalar shólkemleriniń balalar ómirinde tutqan ornı, balalardı oqıtıw menen birge olarǵa berilip atırǵan bilim-tárbiya, imkaniyatlar haqqında, elimizde sistemalı bilim beriw arqalı balalar miynetiniń aldı alınǵanlıǵı, balalardıń miynetiniń qorǵalǵanlıǵı, usı maqsette  Xalıq aralıq Miynet Shólkemi tárepinen járiyalanǵan 12-iyun – “Pútkil dúnya júzilik balalar miynetine qarsı gúresiw kúni”niń áhmiyeti, qala berse, balalar miynetiniń eń awır túrlerin qollanıwdıń aldın alıw boyınsha nızam hújjetleriniń bar ekenligi, “Bala huqıqlarınıń kepillikleri haqqında”ǵı Nızamında on segiz jasqa shekemgi bolǵan shahslar bala dep esaplanatuǵınlıǵı, Ózbekstan Respublikasınıń “Bilimlendiriw haqqında”ǵı Nızamı menen bárshe balalar ushın 11 jıllıq májbúriy bilimlendiriw sisteması qabıl etilgenligi haqqında keń túrde maǵlıwmatlar berildi.

Bunday ilajlar Ellikqala rayonındaǵı “Aral balaları” hám “Gulshan”,  Qońırat rayonındaǵı “Jayxun-2”, Qanlıkól rayonındaǵı “Sunqar” Moynaq rayonındaǵı “Aq keme”, Tórtkúl  rayonındaǵı “Lochin”, Taqıyatas rayonındaǵı “Aydın jol”, Ámiwdárya rayonındaǵı “Qaldirǵosh” hám Beruniy rayonındaǵı “Rohat” balalar jazǵı dem alıw oraylarındada ótkerildi.

12-iyun – “Pútkil dúnya júzilik balalar miynetine qarsı gúresiw kúni”ne baǵıshlanıp «Balalar miynetin toqtatıw ushın ulıwma sociallıq qorǵaw» uranı astında ótkerilgen ilajlarda, balalar ortasında súwret salıw tańlawları, sporttıń shaxmat-shashka, stol tennisi túrlerinen jarıslar ótkerilip jeńimpazlarǵa kásiplik awqamları tárepinen estelik sawǵaları hám diplomlar menen sıylıqlandı.