2022 jıl 25-mart kúni «Taqıyatas IES» AJ de jámáátlik shártnamanıń 2021-jıldıń orınlanıwına baǵıshlanǵan miynet jámáátiniń konferenciyası bolıp ótti.

Konfereciyada Ózbekstan energetika, neft-gaz hám geologiya xızmetkerleri kásiplik awqamı Respublika keńesiniń baslıǵı orınbasarı S.Tuxtaev, Ózbekstan kásiplik awqamları Federaciyasınıń Qaraqalpaqstan Keńesi baslıǵı orınbasarı M.Daniyarov, «Taqıyatas IES» AJ direktorı F.Xalilaev, «Taqıyatas IES» qarjı bólimi baslıǵı R.Djumaniyazov, «Taqıyatas IES» kásiplik awqamı komiteti baslıǵı N.Abdullaevlar qatnastı.

Miynet jámáátiniń konfereciyanı «Taqıyatas IES» AJ direktorı F.Xalilaev hám kásiplik awqamı komiteti baslıǵı N.Abdullaevlardıń «Jámáátlik shártnama»nıń 2021-jılda orınlanıwı boyınsha esabatı tıńlandı.

Esabatlarda jámáátlik shártnamalar arqalı akcionerlik jámiyette jumısshı xızmetkerlerdiń dáramatların asırılıwına, olar ushın múnásip miynet jaratıw, dem alıw sharayatların jaqsılaw, sociallıq-ekonomikalıq, huquqıy máselelerde, miynet salasına baylanıslı normativ-huquqıy hújjetlerin jetilistiriwde jumıs beriwshi menen birgelikte kúsheytiriwge ayrıqsha itibar qaratıw. Xızmetkerlerdiń miynettiń qorǵaw, yaǵnıy islep shıǵarıw cexlarında olar ushın kiyiniw xanası, juwınıw hám awqatlanıw bólmeleri, jeke kiyim-bas qorǵanıw quralları menen támiyinlew, awır hám zıyanlı miynet shárayatlarında jumıs islep atırǵan jumısshı xızmetkerlerge sút hám juwınıw quralları menen támiyinlewge úlken itibar qaratılǵanın hám unamlı jumıslar ámelge asırılǵanın aytıp ótti.

Miynet jámáátiniń konfereciyasına qatnasqan Ózbekstan energetika, neft-gaz hám geologiya xızmetkerleri kásiplik awqamı Respublika keńesiniń baslıǵı orınbasarı S.Tuxtaev sózge shıǵıp, Ózbekstan kásiplik awqamı Federaciyasınıń ústin turatuǵın baǵdarlar hám olar tiykarında ámelge asırılıp atırǵan jumıslar haqqında miynetkeshlerge tolıq maǵlıwmatlar berip ótti.