Nókis “Temurbekler mektebi” áskeriy-akademik litseyinde “9-aprel — Qaraqalpaqstan Respublikasi Konstitutsiyasi qabıl etilgenliginiń 33 jıllıǵı” múnásibeti menen ushırasıw shólkemlestirildi.

Ilajda Ózbekstan kásiplik awqamları Federaciyası baslıǵı orınbasarı, Qaraqalpaqstan keńesi baslıǵı, Qaraqalpaqstan Respublikası Joqarǵı Keńesi deputatı U.A.Jalmenov, Qaraqalpaqstan Respublikası Konstituciyalıq qadaǵalaw komiteti baslıǵı orınbasarı Sh.M. Ibragimov, Nókis rayonlarara hákimshilik sudı sudyası Q.Babanazarov hámde licey oqıwshıları qatnastı.

Ushırasıw dawamında bas nızamımız — Konstituciyanıń mazmun-mánisi, onıń xalq máplerin qorǵawdaǵı ornı hám áhmiyeti xaqqında keńirek maǵlıwmatlar berildi.

Sonday-aq, Konstituciya elimizde ámelge asırılıp atırılǵan demokratik reformalardıń bekkem huquqıy tiykarı ekenligi, insan huqıq hám erkinlikleriniń isenimli qorǵalıwı kepilligi ekenligi ayrıqsha atap ótildi.