Ózbekstan Respublikası Prezidenti Shavkat Mirziyoyevtiń usı jıl 13-noyabrdegi «Oraylıq Aziya jańa dáwir bosaǵasında» atamasındaǵı maqalasınıń basıp shıǵarılıwı regionnıń siyasiy, ekonomikalıq hám gumanitarlıq rawajlanıwında jańa basqıshtı baslap berdi.

Usı áhmietli hújjette alǵa qoyılǵan ideyalardıń mazmun-mánisin xızmetkerlerge jetkeriw maqsetinde usı jıldıń 4-dekabr kuni Ózbekstan kásiplik awqamları Federaciyasınıń Qaraqalpaqstan Keńesi tárepinen “Máripat saatı” ótkerildi.

Ilajǵa barlıq kásiplik awqamı xızmetkerleri, belsendiler hámde Qaraqalpaq mámleketlik universitetiniń professor-oqıtıwshıları qatnastı.

Ózbekstan kásiplik awqamları Federaciyasınıń Qaraqalpaqstan Keńesi baslıǵı Ulıǵbek Jalmenov hám Qaraqalpaq mámleketlik universitetiniń Filosofiya ilimler boyınsha Filosofii doktorı Orazbaev Arslan, Yuridika ilimler kandidatı, docent Kabulov Xojabaylar tárepinen qatnasıwshılarǵa maqalanıń tiykarǵı ideyası hám mazmun-mánisi hámde barlıq miynet jámáátlerinde usı maqalanıń mazmun-mánisin xızmetkerlerge jetkeriw, sonıń menen birge, Mámleketimiz ǵárezsizligi, xalqımızdıń tınısh-párawan turmısı, puqaralardıń huqıq hám mápleriniń bekkem kepili bolǵan Ózbekstan Respublikası Konstituciyasın tiykarǵı nızamımızda belgilengen xalıq xákimshiligi, insan qádiri, erkinlik hám teńlik, turmısımızdaǵı ornı hám áhmiyeti haqqında tolıq maǵlıwmatlar berildi.