2025-jıl 20-may kúni Qaraqalpaqstan Respublikası densawlıqtı saqlaw ministrligi májilisler zalında Qaraqalpaqstan  Respublikası densawlıqtı saqlaw ministri M.Kurbanov, Ózbekstan densawlıqtı saqlaw xızmetkerleri kásiplik awqamınıń Qaraqalpaqstan Respublikası keńesi baslıǵı L.Baybosınova, Ózbekstan Hamshiralar Assosaciyasınıń Qaraqalpaqstan bólimi baslıǵı R.Mishenova hám Respublikalıq emlew profilaktika mákemeleri baslıqları qatnasıwında «Jıldıń eń jaqsı orta medicina hám farmacevtika xızmetkeri» tańlawınıń Ózbekstan Respublikası basqıshında “Jıldıń eń jaqsı salamat turmıs tárizi úgit-násiyatlawshısı” nominaciyası boyınsha I orındı iyelegen Ámiwdárya rayonlıq medicina birlespesi bas miyirbiykesi L.Yangibaeva “Ózbekstan Respublikası densawlıqtı saqlaw aǵlası” kókirek nıshanı hám Ózbekstan densawlıqtı saqlaw xızmetkerleri kásiplik awqamı Respublikalıq keńesiniń bahalı sawǵası, plaketka hám de shiysheli suveniri, tańlawdıń “Jıldıń eń jaqsı shanshıw hám emlew miyirbiykesi” nominaciyası boyınsha II orındı iyelegen U.Xalmuratov atındaǵı kóp tarmaqlı medicina birlespesi orayı másláhát poliklinikası miyirbiykesi G.Qallibekova, tańlawdıń «Jıldıń eń jaqsı úlken miyirbiykesi» nominaciyası boyınsha III orındı iyelegen Respublikalıq qánigelestirilgen onkologiya hám radiologiya ilimiy-ámeliy medicina orayı Karaqalpaqstan filialı radioterapiya bólimi úlken miyirbiykesi E.Jaqsımuratova hám de taraw mákemelerinde jumıs islep atırǵan miyirbiykelerdiń 7-10 jas aralıǵındaǵı perzentleriniń qatnasıwında ótkerilgen «Meniń anam miyirbiyke» súwret salıw tańlawınıń Qaraqalpaqstan Respublikası basqıshınıń jeńimpazı Qońırat rayonlıq medicina birlespesi ayrıqsha jaǵdaylar bólimi miyirbiykesi H.Orazbaevanıń perzenti Sh.Esenbaevlar Ózbekstan densawlıqtı saqlaw xızmetkerleri kásiplik awqamı Respublikalıq keńesiniń bahalı sawǵalar menen sıylıqlandı.