Qaraqalpaqstan Respublikası Transport ministrligi májilisler zalında 2024-jıl dawamında jámáátlik shártnama bántleriniń is beriwshi hám kásiplik awqam komiteti tárepinnen orınlanıw juwmaqları hámde 2020-jıldıń fevral ayınnan 2025-jıldıń fevral ayına shekemgi dáwirdegi kásiplik awqam komiteti tárepinnen islegen jumısları boyınsha esabat-saylaw jıynalısı ótkerildi.

Bunda Ózbekstan transport jol hám kapital qurılıs,qurılıs industriyası xızmetkerleri kásiplik auqamı Respublika Keńesi baslıq orınbasarı Sultanov Baxadır Fazılovich, Ózbekstan transport jol hám kapital qurılıs,qurılıs industriyası xızmetkerleri kásiplik auqamı Qaraqalpaqstan Respublika Keńesi baslıǵı Paluaniyazova Gulmira Turǵanbaevnalar qatnastı. Jıynalısta ministrlik hám kásiplik awqamı arasında dúzilgen jámáátlik shártnaması bántleriniń orınlanıwı boyınsha hár eki táreptiń esabatları tıńlandı. Jıynalısta jámáátlik shártnaması bántleriniń 2024-jılda orınlanıwı qanaatlandırarlı dep qarar qabıllandı. Bunnan keyin ministrlik kásiplik awqam komitetininń esabat-saylaw boyınsha kún tártibindegi 2020-jıl fevral ayınan 2025-jıl fevral sheregi aralıǵında orınlanǵan jumıslar boyınsha kásiplik awqamı komiteti esabatları tıńlandı Sonıń menen birge jıynalısta baslanǵısh kásiplik awqamı baslanǵısh shólkem baslıǵın hám komiteti quramı saylaw máselesi kórip shıǵıldı.

Jıynalıs kún tártibindegi máseleler boyınsha juwapkerlerdiń esabatları oqıp esittirilip, máseleler dodalap alındı. Ótken jıl dawamında ámelge asırılǵan jumıslarǵa esabat berilip, aldaǵı wazıypalar belgilep alındı.