2025-jıl 3-fevral kúni Nókis qalası 1-sanlı ulıwma bilim beriw mektebinde 2023-2025 jıllarǵa qabıl etilgen jámáátlik shártnamasınıń 2024-jılda orınlanıwı hámde 2025-jıl ushın jámáátlik shártnama bántlerine ózgeris hám qosımshalar kirgiziw hámde esabat-saylawı jıynalısı bolıp ótti. Jıynalısqa Ózbekstan bilimlendiriw hám ilim xızmetkerleri kásiplik awqamı Respublika Keńesiniń bas esapshısı A.Asadov, Qaraqalpaqstan Respublikası boyınsha juwaplı shólkemlestiriwshisi R.Abduraxmanov hám Nókis qalalıq bólimshesi baslıǵı M.Daulbaevlar qatnastı. Jıynalısta mektep administraciyası hám kásiplik awqamı arasında dúzilgen jámáátlik shártnaması bántleriniń orınlanıwı boyınsha hár eki táreptiń esabatları tıńlandı. Jıynalısta jámáátlik shártnaması bántleriniń 2024-jılda orınlanıwı qanaatlandırarlı dep qarar qabıllandı.

Sonnan keyin mektep kásiplik awqam komitetininń esabat-saylaw boyınsha kún tártibindegi 2020-jıl fevral ayınan 2025-jıl fevral sheregi aralıǵında orınlanǵan jumıslar boyınsha jumıs kásiplik awqamı komiteti esabatları tıńlandı hám esabat dáwirinde kásiplik awqamı shólkeminiń erisken nátiyjeleri, usınıń menen bir qatarda iskerlikti shólkemlestiriwde ámeldegi máseleler hám de jol qoyılǵan kemshilikler tereń analiz etildi, aldaǵı jumıslarda ústin turatuǵın baǵdarları belgilep alındı. Sonıń menen birge jıynalısta baslanǵısh kásiplik awqamı baslanǵısh shólkem baslıǵın hám komiteti quramı saylaw máselesi kórip shıǵıldı.

Kún tártibindegi máseleler kórip shıǵılǵannan keyin jıynalıs qatnasıwshıları arasında kásiplik awqamları iskerligine tiyisli máseleler boyınsha qızǵın tartıslar bolıp ótti, xızmetkerlerdi qızıqtırǵan sorawlarǵa is beriwshi hám kásiplik awqamı aktivleri tárepinen juwaplar berildi.