Usı jıldıń 21-22-noyabr kúnleri, Ózbekstan kásiplik awqamları Federaciyasınıń Qaraqalpaqstan Keńesi májilisler zalında Ózbekstan Agrosanaat kompleksi xızmetkerleri kásiplik awqamı Respublika Keńesi intası menen Agrosanaat kompleksi xızmetkerleri kásiplik awqamı Qaraqalpaqstan Respublikası tarawındaǵı qala hám rayonlıq keńes baslıqları, baslanǵısh kásiplik awqam komiteti baslıqları ushın seminar bolıp ótti.

Onda, Ózbekstan Agrosanaat kompleksi xızmetkerleri kásiplik awqamı Respublika Keńesi miynetkeshlerdiń social-ekonomikalıq máplerin qorǵaw bólimi baslıǵı Begimqulova Shoxida Bazarbaevna hám Agrosanaat kompleksi xızmetkerleri kásiplik awqamı Qaraqalpaqstan Respublikası boyınsha juwaplı shólkemlestiriwshisi Seytnazarov Erǵali Erjanovich qatnastı.

Seminar dawamında, jámáátlik shártnamanıń 2023 jılda ámelge asırılǵan ilajlar nátiyjeligi hámde 2024-2026 jıllar ushın mólsherlengen jámáátlik shártnamanıń joybarın tayarlaw hám dúziw boyınsha ilajların alıp barıw, social máplerin qorǵaw, sonnan jámáátlik kelisimleri hámde shártnamalarda belgilengen ilajlardı rásmiylestiriw boyınsha túsintirildi hám seminar juwmaǵında pikir almasıldı.