Dúnyajúzlik densawlıqtı saqlaw shólkemi 1948-jıl 7-aprel kúni shólkemlestirilgen. Usı sáne Dúnyajúzlik salamatlıq kúni sıpatında pútkil dúnyada bayram qılınadı, túrli akciya hám ilajlar ótkeriledi. Sonıń menen birge, elimizde keń xalıq qatlamın qamtıp alıwshı kishi marafon, sport jarısları shólkemlestiriledi.

Sonday-aq Ózbekstan Respublikası Prezidentiniń 2022-jıl 28-yanvardaǵı PF-60-sanlı Pármanı menen tastıyıqlanǵan 2022-2026 jıllarǵa arnalǵan jańa Ózbekstannıń rawajlanıw strategiyasınıń mámleketlik baǵdarlamasınıń orınlanıwın támiyinlew maqsetinde, Ózbekstan kásiplik awqamları Federaciyasiniń Qaraqalpaqstan Keńesiniń 2023-jılǵa mólsherlengen is-ilajlar baǵdarlamasına muwapıq «7-aprel – Dúnyajúzlik salamatlıq kúni» múnásibeti menen júriw marafonı ótkerildi.

Júriw marafonı Doslıq kanalı boylap baslanıp «Turan» stadionında juwmaqlanadı, onda 500 den aslam kárhána hám shólkemlerde islep atırǵan jaslar belsene qatnastı. Stadionda marafon qatnasıwshıları azanǵı dene shınıǵıwları menen dawam ettirdi.