2022-jıldıń 3-noyabr kúni Nókis qalasında Qaraqalpaqstan Respublikası densawlıqtı saqlaw ministrligi menen birgelikte Nókis Abu Ali Ibn Sino atındaǵı jámiyetlik salamatlıq texnikumı sport bazasında densawlıqtı saqlaw xızmetkerleri arasında sporttıń kishi futbol túri boyınsha 11-noyabr “Kásiplik awqamları kúni” bayramı múnásibeti menen “Ózbekstan densawlıqtı saqlaw xızmetkerleri kásiplik awqamınıń Qaraqalpaqstan Respublikası Keńesi kubogı” jarısı ótkerildi.

Spartakiadanıń ashılıw saltanatında Qaraqalpaqstan Respublikası densawlıqtı saqlaw ministriniń analıq hám balalıqtı qorǵaw hámde reproduktiv salamatlıq boyınsha orınbasarı Asqarov Akmal Alisherovich qatnastı.

Jarısqa taraw mákemelerinen 27 komanda quramında 200 den aslam xızmetkerler qatnastı.

Jarıs juwmaǵında Qaraqalpaqstan Respublikası sanitariya-epidemiyalogiyalıq tınıshlıq hám jámiyet salamatlıǵı basqarması komandası I-orındı, Shımbay rayonlıq medicina birlespesi komandası II-orındı, Respublikalıq qánigelestirilgen kardiologiya ilimiy ámeliy medicina orayı Qaraqalpaqstan filialı komandası III-orındı jeńip aldı.

Sonıń menen birge «Eń jaqsı dárwazaman», «Eń jaqsı hújimshi», «Eń jası úlken qatnasıwshı», «Eń jas qatnasıwshı», «Eń jaqsı oyınshı», «Eń jaqsı qorǵawshı» nominaciyaları boyınsha jeńimpazlarda anıqlandı.

Jarıs juwmaǵında jeńimpazlar, nominaciya jeńimpazları, jarısqa belsene qatnasqan komandalar Ózbekstan densawlıqtı saqlaw xızmetkerleri kásiplik awqamınıń Qaraqalpaqstan Respublikası Keńesi tárepinen tayarlanǵan tiyisli dárejedegi kuboklar, medallar, diplomlar hám de bahalı sawǵalar menen sıylıqlandı.

Jarıstı shólkemlestiriwde jaqınnan járdem bergen mákemelerge “Ózbekstan densawlıqtı saqlaw xızmetkerleri kásiplik awqamınıń Qaraqalpaqstan Respublikası Keńesi tárepinen tayarlanǵan bahalı sawǵalar tapsırıldı.