Ózbekstan kásiplik awqamları Federaciyasınıń Qaraqalpaqstan Keńesi tárepinen 2022-jıl 21-sentyabr kúni Shımbay rayonında “Kásiplik awqamları baslanǵısh shólkemler jumısların ustav talapları tiykarında alıp barıw” atamasındaǵı oqıw-seminar ótkerildi.

Oqıw-seminardıń tiykarǵı maqseti miynet etip atırǵan hár bir kásiplik awqamı aǵzalarınıń múnásip miynet shárayatlarınıń jaratılıp beriliwi, nızamlı huqıqlarınıń qorǵalıwı, miynetke múnásip haq tóleniliwi, jámáátlik shártnamaları dúziliwi hám olardıń orınlanıwı boyınsha qadaǵalawdıń ámelge asırılıwı, miynetti qorǵaw, mádeniy-aǵartıw, dene-tárbiya hám sport sawalandırıw tarawındaǵı nızamlı huqıq hám máplerin qorǵalıwına erisiw.

Oqıw-seminar taraw kásiplik awqamlarınan 60 jańadan saylanǵan baslanǵısh kásiplik awqam shólkem baslıqları hám belsendileri qatnasında bolıp ótti.

Oqıw-seminar baǵdarlamasına tiykar Ózbekstan kásiplik awqamları Federaciyasınıń Qaraqalpaqstan Keńesi Shólkemlestiriw jumısları bólimi meńgeriwshisi Gulnara Ilmuradova “Kásiplik awqam xızmetkerleri potencialın asırıw”, “Kásiplik awqam komiteti jumısların jobalastırıw, baslanǵısh shólkemlerde óz qararları, joqarı shólkemlerden kelgen hújjetlerdiń orınlanıwı boyınsha monitoringin alıp barıw”, Keńes miynetkeshlerdiń social-ekonomikalıq máplerin qorǵaw bólimi jetekshi qánigesi Erkin Utepbergenov “Miynetkeshlerdiń sociallıq-ekonomikalıq máplerin qorǵawda kásiplik awqamlarınıń jumısı. Jámáátlik kelisimler hám shártnamalar hám olardı qabıl etiw, ámelge asırıw hám orınlanıwın  qadaǵalaw. Xalıqaralıq Miynet Shólkemi Konvenciyaları boyınsha Ózbekstan Respublikasıń májbúriyatları haqqında”, Keńestiń miynet huqıq inspektorı Polat Tursınov “Kásiplik awqamlarınıń huqıqıy tiykarları. Miynet shártnaması dúziw, ózgertiw hám  biykar etiw tártibi” atamalarında teoriyalıq hám ámeliy shınıǵıwlar ótkerdi.

Oqıw-seminar juwmaǵında qatnasıwshılar óz-ara pikir almastı hám ótkerilgen oqıw-seminar boyınsha anketa sorawlarına juwaplar berdi.