Ózbekstan kásiplik awqamları Federaciyası hámde Ózbekstan kásiplik awqamları Federaciyasınıń Dene-tárbiya sport jumısları basqarması tárepinen shólkemlestirilip atırǵan “Biz – sportshı shańaraqpız” súreni astında shańaraqlıq sport jarıslarınıń Qaraqalpaqstan Respublikası basqıshı ótkerildi.

Shańaraqlıq sport jarıslarınıń Qaraqalpaqstan Respublikası basqıshı 2-sanlı balalar hám óspirimler sport mektebinde shólkemlestirilip, bunda

Ózbekstan kásiplik awqamları Federaciyasınıń Qaraqalpaqstan Keńesi baslıǵı U.Jalmenov, Qaraqalpaqstan Respublikası Sporttı rawajlandırıw ministrligi, tarawlıq kásiplik awqamları Qaraqalpaqstan Keńesi baslıqları hám juwaplı shólkemlestiriwshileri sonday-aq, qala hám rayonlardaǵı barlıq tarawlardan saylanǵan 9 komandadan 27 xızmetker hám olardıń shańaraq aǵzaları qatnastı.

Kún dawamında sport jarısları qızǵın ótip hám tájiriybeli tóreshiler tárepinen birinshi orın Ózbekstan bilimlendiriw hám ilim tarawınan Xaydarov Rustam Maratovichlar shańaraǵı, ekinshi orın Ózbekstan densawlıqtı saqlaw tarawınan Isebaev Batırjan Janabaevichlar shańaraǵı, úshinshi orındı Ózbekstan mámleketlik mákemeler hám jámiyetlik xızmeti tarawınan Xudaybergenov Shavkat Saparbaevichlar shańaraǵı jeńimpaz dep tabıldı.

Ózbekistan kásiplik awqamları Federaciyasınıń Qaraqalpaqstan Keńesi tárepinen tarawlar arasında ulıwma kamandalıq esapta 1-,2- hám 3-orınlardı iyelegenlerge hámde qalǵan qatnasıwshı komandalar ushın diplomlar hám sawǵalar berildi sonday-aq, tarawlar arasında eń joqarı ball toplap 1-orındı iyelegen kamanda Namangan walayatında bolıp ótetuǵın Ózbekstan Respublikası basqıshına jollama aldı.