Мийнетти қорғаў тараўындағы мүнәсибетлерди тәртипке салыў мақсетинде 2016-жыл 22-центябрьде Өзбекстан Республикасының ӨРҚ-410-санлы Нызамы, сондай-ақ Өзбекстан Республикасы Министрлер Кабинетиниң 2025-жыл 24-декабрьде «Мийнетти қорғаў тараўына тийисли айырым режелерди тастыйықлаў ҳаққында»ғы 819-санлы қарары қабыл етилген еди.

Бүгинги күнде усы Нызам ҳәм қарарлардың мазмун-мәнисин үгит-нәсиятлаў, билимлендириў мәкемелеринде мийнетти қорғаў тараўындағы жумысларды еледе жеделлестириў мақсетинде Өзбекстан кәсиплик аўқамлары Федерациясының Қарақалпақстан кеңеси ҳәмде Өзбекстан билимлендириў ҳәм илим хызметкерлери кәсиплик аўқамы Республикалық кеңеси тәрепинен усы жылдың 10-апрель күни «Билимлендириў тараўында мийнетти қорғаўға байланыслы машқалалар» атамасында оқыў-семинар өткерилди.

Бул оқыў-семинарда Өзбекстан кәсиплик аўқамлары Федерациясының Қарақалпақстан кеңеси баслығы У.Жалменов, Өзбекстан билимлендириў ҳәм илим хызметкерлери кәсиплик аўқамы Республикалық кеңеси мийнетти қорғаў тараўы бойынша бас қәнигеси Д.Самарбеков, Қарақалпақстан Республикасы Кәмбағаллықты қысқартыў ҳәм бәнтлик министрлигиниң Мәмлекетлик мийнет инспекциясы инспекторы М.Сейдуллаев ҳәмде Өзбекстан кәсиплик аўқамлары Федерациясы Қарақлапақстан Кеңеси Мийнет техник инспекторы Б.Утепбергеновлар шығып сөйледи.

Усы оқыў-семинарына Өзбекстан билимлендириў ҳәм илим хызметкерлери кәсиплик аўқамы район(қала)лық бөлимше кеңеси баслықлары район(қала)лық мектепке шекемги ҳәм мектеп билимлендириў бөлимлеринде мийнетти қорғаў бойынша бекитилген қәниге, сондай-ақ жоқары оқыў орынларындағы мийнетти қорғаў хызмети бөлими жуўапкер хызметкерлери, Нөкис қаласындағы билимлендириў мәкемелериндеги басланғыш кәсиплик аўқамы комитети баслықлары, мийнетти қорғаў бойынша ўәкиллери қатнасты.

Семинарды өткизиўден мақсет билимлендириў мәкемелеринде, Ис бериўшилер ҳәм хызметкерлер арасында мийнетти қорғаўға тийисли машқалалар, олардың шешимлери, алда турған ўазыйпалар бойынша кең түсиниклер берилди. Сондай-ақ, мийнет жәмәәтлеринде мийнетти қорғаў мәселесинде Ис бериўшиниң миннетлемелери, мийнетти қорғаў бойынша қәниге ҳәм ўәкиллердиң ўазыйпалары бойынша да мағлыўматлар берилди.

Оқыў-семинар соңында қатнасыўшылар өз-ара пикир алмасып, өзлериниң қызықтырған сораўларына жуўаплар алды.