Sońǵı jıllarda Ózbekistan kásiplik awqamları tarepinen jaslar mashqalaların úyreniw, olardıń huqıqıy sawatxanlıǵın asırıw hám salamat turmıs tárizin úgit násiyat jumısların alıp barıw boyınsha keń kólemli isler ámelge asırılmaqta. Bul jóneliste jaslar menen ushırasıwlar hám sáwbetler  ayrıqsha áhmiyteke iye.

2025-jıl 29-oktyabr kúni Nókis qalasında, Samarqand mámleketlik veterinariya medicinası, sharwashılıq hám biotexnologiyalar universiteti Nókis filialı májilisler zalında Ózbekstan kásiplik awqamı Federaciyasınıń Qaraqalpaqstan keńesi baslıǵı, Qaraqalpaqstan Respublikası Joqarǵı Keńesi deputatı Ulıkbek Jalmenov jaslar menen ushırasıw ótkerdi. Ilájde sonday-aq Ózbekstan kásiplik awqamı Federaciyası baslıǵı orınbasarı, Miynet inspekciyası baslıǵı Qobiljon Qirǵizaliev qatnasıp, elimizde jaslarǵa jaratılıp berilip atırǵan imkaniyatlar haqqında keń sóz júritti.

Ushırasıwda jaslarǵa kásiplik awqamları sistemasın jedellestiriw, mámlekette demokratik principlerdi rawajlandırıw, puqaralardıń huqıqıy sawatxanlıǵın hám sociyallıq belsendiligin asırıw barısında alıp barılıp atırılǵan jumıslar haqqında keńirek maǵlıwmatlar berildi. Bul óz náwbetinde jaslardı jámáátshilik hám miynet belsendiligine bolǵan qızıǵıwshılıǵın jánede kúsheyttirdi.

Iláj sheńberinde tálim alıw menen birge, jámáátshilik jumıslarǵa múnásip úles qosıp kiyatırǵan, hár tárepleme úlgili hámde qábiletli, sonday-aq, kem támiyinlengen shańaraqlardan bolǵan hám fizikalık imkaniyatı sheklengen studentler kásiplik awqamları stipendiyası hám sanatoriyǵa biypul jollamalar menen xoshametlendi, bir neshe jas miynetkeshlerge “Húrmet jarlıq”ları hám estelik sawǵaları tapsırıldı.