Орта буўын медицина хызметкерлериниң кәсиплик билим ҳәм маманлығын асырып барыўды қоллап-қуўатлаў, өз жумысларында жетискенликлерге ерисип киятырған мийирбийкелерди материаллық ҳәм руўхый жақтан хошаметлеў, өз кәсибиниң шебер ийелери ортасында саламат бәсеки орталығын қәлиплестириў мақсетинде 2024-жылдың 25-апрель күни “Ҳамшира-2024” көрик-таңлаўының Қарақалпақстан Республикасы басқышы өткерилди.

Көрик-таңлаў жуўмағы бойынша “Ҳамшира-2024” Қарақалпақстан Республиксы басқышында 1-орынды Әмиўдәрья районлық медицина бирлеспеси мийирбийкеси Х.Қазақбаева, 2-орында Хожели районлық медицина бирлеспеси мийирбийкеси А.Орынбаева ҳәм 3-орынды Мойнақ районлық медицина бирлеспеси мийирбийкеси А.Махамбеталиевалар ийеледи.

Көрик-таңлаў жеңимпазлары Қарақалпақстан Республиксы денсаўлықты сақлаў министрлиги ҳәм Өзбекстан денсаўлықты сақлаў хызметкерлери кәсиплик аўқамының Қарақалпақстан Республикасы кеңесиниң биргеликтеги тийисли дәрежедеги дипломлары ҳәм баҳалы саўғалары менен сыйлықланды.