Аймақларда пуқаралар ҳәм олардың шаңарақ ағзаларын ғалабалық спорт түрлерине қамтыў, олар арасында саламат турмыс тәризин үгит-нәсиятлаў, түрли кеселликлерден спорт хәм саламат турмыс тәризи тийкарлары арқалы қорғаўына көмеклесиў сондай-ақ, Өзбекстан Министрлер Кабинетиниң 2023-жыл 24-ноябрь күнги №06/1-525-санлы “БМТ Бас Ассамблеясында жарияланған 25-ноябрь – Халықаралық ҳаялларға қаратылған зорлықтың алдын алыў күнине бағышланған 25-ноябрь сәнесинен 10-декабрь аралығында “Зорлыққа қарсы 16 күнлик” атамасында тастыйықланған ис илажлар режесиндеги ўазыйпаларды орынланыў мақсетинде Өзбекстан кәсиплик аўқамлары Федерациясының Қарақалпақстан Кеңеси, Нөкис қалалық “Инсан” социаллық хызметлер орайы, Қарақалпақстан Республикасы Жаслар сиясаты ҳәм спорт министрликлери биргеликте “Атам, анам, ҳәм мен, саламат, бахытлы шаңарақ” сүрени астындағы шаңарақлық спорт жарыслары өткерилди.

Нөкис қаласы 2-санлы спорт мектеби залында Нөкис қаласындағы секторлар аймағындағы жасаўшы шаңарақлар арасында кеўилли стартлар спорт жарыслары өткерилди.

Қызғын тартыс ҳәм өз ара келисимсиз гүреслер астында өткен жарыс қатнасыўшыларының спортқа болған қызығыўшылығын және де арттырып, олардың жеңиске болған тилегин беккемледи. Барлық қатнасыўшылар жарыста жеңимпаз болыў ушын жуўапкершилик пенен ҳәрекет етти.

Жарыс жуўмағында жеңимпазлықты қолға киргизген команда ағзаларына Өзбекстан кәсиплик аўқамлары Федерациясының Қарақалпақстан Кеңеси тәрепинен таярланған баҳалы саўғалары тапсырылды.